ଏନଏନଏସ୍: ଚଳନ୍ତା ଗାଡିରେ ମଦ୍ୟପାନ କରିବା ସହ ପୁସଅପ୍ କଲେ ଯୁବକ । ଆଜ୍ଞା ହଁ କଥାଟି ବିଶ୍ୱାସ ହେଉନଥିଲେ ମଧ୍ୟ ସତ । ଏଭଳି ଘଟଣା ହରିଆଣାର ଗୁରୁଗ୍ରାମରେ ଦେଖିବାକୁ ମିଳିଛି । ଯାହାର ଭିଡ଼ିଓ ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ୩୦ ସେକେଣ୍ଡର ଏହି ଭିଡ଼ିଓରେ ଦେଖିବାକୁ ମିଳିଛି ଏକ ଧଳା ରଙ୍ଗର କାର୍ ରେ କିଛି ଯୁବକ ଯାତ୍ରା କରୁଥିଲେ । ଏହି ସମୟରେ ଉକ୍ତ ଯୁବକମାନେ କାର୍ ଭିତରେ ମଦ୍ୟପାନ କରି ମୌଜମସ୍ତି କରୁଥିଲେ । ସେହି ସମୟରେ ଜଣେ ଯୁବକ ଚଳନ୍ତା କାର୍ ରୁ ବାହାରି କାର୍ ର ଛାତ ଉପରେ ପୁସଅପ୍ ମାରିଥିଲେ, ଯାହାର ଦୃଶ୍ୟ ରାସ୍ତାରେ ଥିବା ଲୋକମାନଙ୍କୁ ଚକିତ କରିଦେଇଥିଲା ।
They have no fear of anyone's life and neither of Gurgaon trafficpolice @TrafficGGM
Vichle no HR72F6692@DC_Gurugram @TrafficGGM@cmohry @gurgaonpolice pic.twitter.com/pM2NeypUdR— Pradeepdubey (@dubey_100) May 30, 2023
ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ପୋଲିସ ଉକ୍ତ କାର ଏବଂ ଯୁବକମାନଙ୍କୁ ଠାବ କରିବାରେ ସଫଳ ହୋଇଛି । ଏହି ଘଟଣା ପାଇଁ ଗୁରୁଗ୍ରାମର ପୋଲିସ କାର୍ ମାଲିକଙ୍କ ଉପରେ ୬ହଜାର ୫୦୦ଟଙ୍କା ଜରିମାନା କରିଛନ୍ତି । ତେବେ ଏଭଳି ଭିଡିଓ ଯୁବପିଢିଙ୍କ ଉପରେ କିଭଳି ପ୍ରଭାବ ପକାଇବ ତାହା ପ୍ରଶ୍ନ ସୃଷ୍ଟି କରିଛି ।
