ନାବାଳକଙ୍କ ଉପରେ ଚଢ଼ିଗଲା ଟ୍ରେନ୍‌

ଆଜିକାଲି ଅନଲାଇନରେ ଗେମ ଖେଳିବା ଯେମିତି ଯୁବପିଢିଙ୍କ ନିଶାରେ ପରିଣତ ହୋଇଗଲାଣି l ଗେମ ସହିତ ପିଲାମାନେ ଏଭଳି ମଜ୍ଜି ରହୁଛନ୍ତି ଯେ ତାଙ୍କ ଆଖପାଖରେ କଣ ଘଟୁଛି ସେମାନେ ଜାଣିପାରୁନାହାନ୍ତି l ଏପରିକି ବିଭିର୍ନ ଭିଡିଓ ଗେମ ପାଇଁ ଅନେକ ସମୟରେ ପିଲାଙ୍କ ଜୀବନ ଯିବା ଘଟଣା ମଧ୍ୟ ଦେଖିବାକୁ ମିଳୁଛି l ଏହି ଭିଡିଓ ଗେମ ନିଶାରେ କେଉଁଠି ପିଲାମାନେ ଛାତରୁ ତଳକୁ ଡେଇଁ ପଡୁଛନ୍ତି ତ ଆଉ କେଉଁଠି ଦୁର୍ଘଟଣାର ଶିକାର ହେଉଛନ୍ତି l ଫ୍ରିଫାୟରରେ ଗେମ୍ ଖେଳିବା ଜଣେ ନାବାଳକଙ୍କ ପାଇଁ ହୋଇଛି କାଳ l ନାବାଳକ ଜଣକ କାନରେ ଇଅରକଡ଼ ଲଗାଇ ମୋବାଇଲରେ ଫ୍ରିଫାୟାର ଗେମ୍ ଖେଳୁଥିବା ବେଳେ ତାଙ୍କ ଉପରେ ଚ଼ଢିଗଲା ଟ୍ରେନ। ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ସଦର ବ୍ଲକ ଅନ୍ତର୍ଗତ଼ ରାଇସୁଆଁ ପଞ୍ଚାୟତ଼ ଟାଙ୍ଗରତ଼ଳି ଗ୍ରାମରେ । ମୃତ ନାବାଳକ ଜଣକ ହେଲେ ଗୈାର ବରଡ଼ିଆ(୧୭)ଓରଫ ଅରୁଣ l ଟାଙ୍ଗରତ଼ଳି ଗ୍ରାମର ନାଟୁ ବରଡ଼ିଆଙ୍କ ପୁଅ ଅରୁଣ ଆଜି ସକାଳ ପ୍ରାୟ ସାଢେ ୬ଟାବେଳେ ଶୈାଚ଼ ହେବାକୁ ଯାଇଥିଲେ। ତ଼େବେ ସେ କାନରେ ଇଅରକଡ଼ ଲଗାଇ ମୋବାଇଲରେ ଫ୍ରିଫାୟାର ଗେମ୍ ଖେଳି ଖେଳି ରେଳ ଧାରଣାରେ ଆସୁଥିଲେ । ପଛରୁ ଏକ ଟ୍ରେନ ଆସୁଥିବାବେଳେ ବାରମ୍ବାର ହ୍ରନ ଦେବା ସତ୍ତ୍ବେ ଅରୁଣଙ୍କୁ ନସୁଭିବାରୁ ଟ୍ରେନ ତ଼ାଙ୍କ ଉପରେ ଚ଼ଢିଯାଇଥିଲା। ଫଳରେ ଘଟଣାସ୍ଥଳରେ ତ଼ାଙ୍କର ମୃତ୍ୟୁ ଘଟିଛି। ଖବରପାଇ ସଙ୍ଗେସଙ୍ଗେ ସଦର ଥାନା ଏସ୍ଆଇ ଗୁରୁ ପ୍ରସାଦ ଦେଓ ସଦଳବଳେ ଘଟଣାସ୍ଥଳରେ ପହଞ୍ଚି ଶବ ଜବତ଼ କରିବା ପରେ ତ଼ଦନ୍ତ ଆରମ୍ଭ କରିଥିଲେ। ପୋଲିସ ଶବକୁ କେନ୍ଦୁଝର ଜିଲ୍ଲା ମୁଖ୍ୟ ଚ଼ିକିତ୍ସାଳୟରେ ବ୍ୟବଛେଦ କରାଇ ପରିବାରକୁ ହସ୍ତାନ୍ତର କରିଛି। ଏନେଇ କେସନଂ ୮୯/୨୧ଏକ ଅପମୃତ଼ ମାମଲା ରୁଜୁ ହୋଇଛି ବୋଲି ଏସ୍ଆଇ ଦେଓ କହିଛନ୍ତି। ଯୁବାବସ୍ଥାରେ ଅରୁଣଙ୍କ ଅକାଳ ବିୟୋଗ ଘଟିଥିବା ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।