ଡିସେମ୍ବର -୬; ତିନି ଭାରତୀୟ କ୍ରିକେଟ୍ ଷ୍ଟାରଙ୍କ ଜନ୍ମଦିନ

କ୍ରିକେଟ ଜଗତରେ ସବୁଦିନ କାହାର ନା କାହାର ଜନ୍ମଦିନ ପଡ଼ିଥାଏ । ତେବେ ସେମାନଙ୍କର ଏହି ଗୁରୁତ୍ୱପୂର୍ଣ୍ଣ ଦିନକୁ କେବଳ କ୍ରିକେଟ ଷ୍ଟାର କି ତାଙ୍କ ପରିବାର ନୁହଁନ୍ତି ତାଙ୍କର ସମସ୍ତ ପ୍ରସଶଂକମାନେ ମଧ୍ୟ ଏହି ଦିନକୁ ପାଳନ କରିଥାନ୍ତି । ତେବେ କ୍ରିକେଟ୍ ଜଗତ ପାଇଁ ଆଜି ଏକ ବଡ଼ଦିନ । ଡିସେମ୍ବର-୬ରେ ଭାରତର ଜଣେ ନୁହଁ ଦୁଇ ଜଣ ନୁହଁ ତିନି ତିନି ଜଣ କ୍ରିକେଟ ଷ୍ଟାରଙ୍କ ଜନ୍ମଦିନ । ତେଣୁ ଆଜିର ଦିନକୁ ଭାରତୀୟ କ୍ରିକେଟରେ ବହୁତ ବଡ଼ଦିନ ଭାବେ ବିବେଚନା କରାଯାଏ । ଆଜି ଆମେ ଏମିତି ୩ ଜଣ ଖେଳାଳିଙ୍କ ବିଷୟରେ କହୁଛୁ ଯେଉଁମାନେ ସମଗ୍ର ବିଶ୍ୱ କ୍ରିକେଟରେ ସେମାନଙ୍କ ନିଜସ୍ୱ ପରିଚୟ ସୃଷ୍ଟି କରିଛନ୍ତି । ଆଜିର ଦିନରେ ଭାରତୀୟ କ୍ରିକେଟ୍ ଟିମ୍‌ର ରବୀନ୍ଦ୍ର ଜାଡେଜା, ଜସପ୍ରୀତ୍ ବୁମରାହ ଏବଂ ଶ୍ରେୟାସ ଅୟର୍ ସେମାନଙ୍କ ଜନ୍ମଦିନ ପାଳନ କରୁଛନ୍ତି । ରବୀନ୍ଦ୍ର ଜାଡେଜା ୩୩ତମ ଜନ୍ମଦିନ ପାଳନ କରୁଥିବାବେଳେ ଜସପ୍ରୀତ୍ ବୁମରାହ ୨୮ତମ ଜନ୍ମଦିନ ଏବଂ ଶ୍ରେୟାସ ଅୟର୍ ୨୭ତମ ଜନ୍ମଦିନ ପାଳନ କରୁଛନ୍ତି । ବିସିସିଆଇ ଏହି ପ୍ରମୁଖ ୩ ଖେଳାଳୀଙ୍କୁ ନିଆରା ଢ଼ଙ୍ଗରେ ଶୁଭେଚ୍ଛା ଜଣାଇଛି ।