ଖଣ୍ଡା ଧରି ଉନ୍ମତ୍ତ ଯୁବକଙ୍କ ଆତଙ୍କରାଜ #NNSODIA

ଖଣ୍ଡା ଧରି ଯୁବକଙ୍କ ଆତଙ୍କରାଜ। ମା ତାରିଣୀଙ୍କ ମନ୍ଦିର ତାଲା ଭାଙ୍ଗି ଖଣ୍ଡା ଆଣି ଆତଙ୍କ ଚଳାଇଥିଲା ଜଣେ ଯୁବକ । ରବିବାର ବିଳମ୍ବିତ ରାତିରୁ ଆଜି ଦିନସାରା ଯୁବକ ଜଣକ ଗାଁରେ ହଙ୍ଗାମା କରିଥିଲେ । ଲୋକେମାନେ ଭୟଭିତ ଅବସ୍ଥାରେ ରହିଥିଲେ। ଯୁବକ ଜଣକ କାହା ବେକରେ ଖଣ୍ଡା ଲଗାଇଥିଲେ, ତ ଆଉ କାହାକୁ ମାରି ଦେବାକୁ ଧମକ ଦେବା ସହ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ।ଭୟରେ ଲୋକେ ଆଜି ଦିନ ତମାମ ଘର ଭିତରେ ବନ୍ଦୀ ଅବସ୍ଥାରେ ରହିଥିଲେ । ଶେଷରେ ଜଗତସିଂହପୁର ପୋଲିସ ପହଞ୍ଚି ଯୁବକଙ୍କୁ କାବୁ କରିବା ସହ ଥାନାରେ ଅଟକ ରଖିଛି। ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ବ୍ଳକ୍ ମୁଣ୍ଡିଲୋ ଗ୍ରାମରେ। ଆତଙ୍କ ଖେଳାଇ ଥିବା ଯୁବକ ଜଣକ ହେଲେ ସେହି ଗ୍ରାମର ଶିଶିର ରାଉତ୍ । ତେବେ ଶିଶିର କାହିଁକି ଏମିତି କାଣ୍ଡ କରୁଥିଲେ ତାହା ଜଣା ପଡିନାହିଁ। ନିଶାଶକ୍ତ ଅବସ୍ଥାରେ ଶିଶିର ଏଭଳି କାଣ୍ଡ ଭିଆଇଥିବା ଶୁଣିବାକୁ ମିଳୁଛି।