ଓଡିଶାର ରାଜ୍ୟପାଳ ଗଣେଣୀ ଲାଲ୍ ଆଜି କେନ୍ଦ୍ରାପଡା ଯାଇଛନ୍ତି । ସର୍କିଟ ହାଉସଠାରେ ମାନ୍ୟବର ରାଜ୍ୟପାଳଙ୍କୁ କେନ୍ଦ୍ରାପଡା ଜିଲ୍ଲାପାଳ ଓ ଏସପି ଫୁଲତୋଡା ଦେଇ ସ୍ବାଗତ କରିଥିଲେ । ମାନ୍ୟବର ରାଜ୍ୟପାଳଙ୍କୁ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ ଅନର ଦିଆଯାଇଥିଲା । ଜିଲ୍ଲାର ଉନ୍ନୟନ ଯୋଜନା ସମ୍ପର୍କରେ ରାଜ୍ୟପାଳ ଜିଲ୍ଲାପାଳ ଅମ୍ରିତ ଋତୁରାଜ, ଏସ୍ ପି ମଡକର ସନ୍ଦିପ ସମ୍ପଦ, ଅତିରିକ୍ତ ଜିଲ୍ଲାପାଳ, ଗ୍ରାମ୍ୟ ଉନ୍ନୟନ ଅଧିକାରୀ, ଜିଲ୍ଲାର ବିଭିନ୍ନ ବିଭାଗର ମୁଖ୍ୟଙ୍କ ସହିତ ଆଲୋଚନା କରିଥିଲେ । ଏହାପରେ ମାନ୍ୟବର ରାଜ୍ୟପାଳ କେନ୍ଦ୍ରାପଡା କାକଟ ଗାଁର ସ୍ବର୍ଗତଃ ଶିକ୍ଷାବିତ ତଥା ସମାଜ ସଂସ୍କାରକ ଲକ୍ଷ୍ମୀନାରାୟଣ ପ୍ରସାଦ ଦାସଙ୍କ ଶୋକ ସନ୍ତପପ୍ତ ପରିବାରଙ୍କୁ ଭେଟିଥିଲେ । ସ୍ବର୍ଗତଃ ଦିବଙ୍ଗତ ଆତ୍ମାର ସଦଗତି କାମନା କରି ସ୍ବର୍ଗତଃ ଲକ୍ଷ୍ମୀନାରାୟଣ ପ୍ରସାଦ ଦାସଙ୍କ ଫଟୋଚିତ୍ରରେ ପୁଷ୍ପାଞ୍ଜଳୀ ଅର୍ପଣ କରିଥିଲେ । ସ୍ବର୍ଗତ ଦାସ ହେଉଛନ୍ତି ଦୈନିକ ଖବରକାଗଜ ଓଡିଶା ଏକ୍ସପ୍ରେସର ପରିଚାଳନା ସଂପାଦକ ଅମ୍ବିକା ପ୍ରସାଦ ଦାସଙ୍କ ବାପା । ଅମ୍ବିକା ପ୍ରସାଦଙ୍କ ଆମନ୍ତ୍ରଣଣ କ୍ରମେ ମାନ୍ୟବର ରାଜ୍ୟପାଳ ତାଙ୍କର କାକଟ ସ୍ଥିତ ବାସଭବନରେ ପହଞ୍ଚିଥିଲେ ।
କେନ୍ଦ୍ରାପଡାରେ ରାଜ୍ୟପାଳ #NNSODIA
Plugin Install : Subscribe Push Notification need OneSignal plugin to be installed.
