ବିବାହ ବନ୍ଧନରେ ବାନ୍ଧି ହେଲେ ଟେଲି ଅଭିନେତ୍ରୀ ଶ୍ରଦ୍ଧା ଆର୍ୟା | ଲୋକପ୍ରିୟ ଟିଭି ଧାରାବାହିକ କୁଣ୍ଡଳୀଭାଗ୍ୟ ମୁଖ୍ୟ ଚରିତ୍ରରେ ଥିବା ଅଭିନେତ୍ରୀ ଶ୍ରଦ୍ଧା ଆର୍ୟା ଗତକଲି ବିବାହ କରିଛନ୍ତି | ତାଙ୍କ ଜୀବନସାଥୀ ହୋଇଛନ୍ତି ଜଣେ ନାଭି ଅଫିସର ରାହୁଲ ଶର୍ମା | ତାଙ୍କ ବିବାହର ଏକ ଭିଡିଓ ସୋସିଆଲ ମିଡ଼ିଆରେ ବେଶ ଭାଇରଲ ହେବାରେ ଲାଗିଛି | ଏହି ଖବର ପରେ ତାଙ୍କ ଫ୍ୟାନ୍ସ ମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି | ଦିଲ୍ଲୀରେ ଆୟୋଜିତ ଏହି ବିବାହରେ ଦୁଇ ପକ୍ଷର କିଛି ସମ୍ପର୍କୀୟ ଓ ଅନ୍ତରଙ୍ଗ ବନ୍ଧୁ ସାମିଲ ହୋଇଥିଲେ | ଶ୍ରଦ୍ଧା ନିଜ ବିବାହରେ ଏକ ମେରୁନ ରଙ୍ଗର ଲେହେଙ୍ଗା ପିନ୍ଧିଥିଲେ | ଯେଉଁଥିରେ ସୁନା ରଙ୍ଗର ତାରକସି କାମ ହୋଇଅଛି | ତାଙ୍କର ଗହଣା ଗୁଡିକ ମଧ୍ୟ ବହୁତ ସୁନ୍ଦର ଥିଲା| ଶ୍ରଦ୍ଧା ନିଜର କନ୍ୟାବେଶରେ ବହୁତ ସୁନ୍ଦର ଦେଖାଯାଉଥିଲେ ଯାହାକି ତାଙ୍କ ଫ୍ୟାନ୍ସ ମାନଙ୍କୁ ବହୁତ ଆକୃଷ୍ଟ କରିଛି | ଶ୍ରଦ୍ଧା ତାଙ୍କ ବିବାହକୁ ନେଇ ବହୁତ ଉତ୍ସାହିତ ଥିଲେ | ସେ ତାଙ୍କ ବିବାହର ସବୁ ରୀତିନୀତିର ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଲଗାତାର ପୋଷ୍ଟ କରିଥିଲେ |
