ରାଜଧାନୀରେ ପୁଣି ଏକ ଚାଞ୍ଚଲ୍ୟକର ଘଟଣା; ଅଜଣା ଯୁବକଙ୍କ ଝୁଲନ୍ତା ମୃତେଦହ ଠାବ

ଭୁବନେଶ୍ୱର : ରାଜଧାନୀରେ ପୁଣି ଏକ ଚାଞ୍ଚଲ୍ୟକର ଘଟଣା। ଅଜଣା ଯୁବକଙ୍କ ଝୁଲନ୍ତା ମୃତେଦହ ଠାବ ହୋଇଛି। ଘାଟିକିଆ ହନୁମାନ ମନ୍ଦିର ନିକଟରେ ଥିବା ଏକ ଗଛରୁ ଯୁବକଙ୍କ ଗଳିତ ଶବ ଉଦ୍ଧାର ହୋଇଛି। ଖବର ଅନୁଯାୟୀ, ଆଜି ସକାଳ ସମୟରେ ରାଜଧାନୀ ଉପକଣ୍ଠ ଘାଟିକିଆ ହନୁମାନ ମନ୍ଦିର ନିକଟରେ ଜଣେ ଅଜଣା ଯୁବକଙ୍କ ଗଳିତ ମୃତଦେହ ଠାବ ହୋଇଛି। ସ୍ଥାନୀୟ ଲୋକେ ମୃତଦେହଟି ଦେଖି ପୋଲିସକୁ ସୂଚନା ଦେଇଥିଲା। ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା। କିପରି ଜଣେ ଯୁବକଙ୍କ ଏଠାରେ ମୃତ୍ୟୁ ହେଲା ? ଏବଂ ତାଙ୍କୁ କିପରି ମାରି ଗଛରେ ଟାଙ୍ଗିଛି ? ନା ସେ ନିଜେ ଆତ୍ମହତ୍ୟା କରିଛନ୍ତି। ସେପଟେ ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ ଘଟଣାସ୍ଥଳକୁ ଡକାଯିବାର ସମ୍ଭାବନା ରହିଛି। ସେନେଇ ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି ।