କେନ୍ଦ୍ରାପଡା ଜିଲ୍ଲା ମୁଖ୍ୟ ଡାକ୍ତରଖାନାରେ ପାରାଦ୍ବୀପର ବୈଦ୍ୟନାଥ ମହାପାତ୍ର ନାମକ ଜଣେ କୁଖ୍ୟାତ ଅପରାଧିକୁ କ୍ଷତବିକ୍ଷତ ଅବସ୍ଥାରେ ଭର୍ତ୍ତି କରାଯାଇଛି । ତାଙ୍କର ଅବସ୍ଥା ସଂକଟାପନ୍ନ ରହିଛି । ଗତକାଲି ସଂଧ୍ୟାରେ କେନ୍ଦ୍ରାପଡା ଜିଲା ପାଟକୁରା ଥାନା ଅନ୍ତର୍ଗତ ନୂଆପଡା ବଜାରରେ ଦୁଇ ଗ୍ୟାଙ୍ଗଙ୍କ ମଧ୍ୟରେ ତୁମୁଳ ସଂଘର୍ଷ ଯୋଗୁଁ, ୩ଜଣ ଅପରାଧୀ ଗୁରୁତର ହୋଇଛନ୍ତି । ସଂଧ୍ୟାରେ ହଳଦିଆ ଗାଁର କୁଖ୍ୟାତ ଅପରାଧୀ ବିଭୁ ସାହୁ ଓରଫ ପ୍ରତାପ ସାହୁ , ତାର ଭାଇ ପ୍ରଭାତ ସାହୁ, ଏବଂ ତାଙ୍କ ସହଯୋଗୀ ପାରାଦ୍ବୀପର ବୈଦ୍ୟନାଥ ମହାପାତ୍ର ଏକ କାରରେ ନୂଆପଡା ବଜାରକୁ ଆସିଥିଲେ । ଏମାନଙ୍କ ପିଛା କରୁଥିବା ଆଉ ଏକ ଗ୍ୟାଙ୍ଗର ଗୋଷ୍ଟି ଏମାନଙ୍କୁ ପାଇ କାର୍ ମଧ୍ୟରୁ ଘୋଷାରି ଆଣି କାଠ ଫାଳିଆ ଠେଙ୍ଗା ଆଉ ଲୁହାରଡ ରେ ନିସ୍ତୁକ ପିଟି ଲହୁ ଲୁମହାଣ କରି ଫେରାର ହୋଇଯାଇଛନ୍ତି । ବିଭୂ ସାହୁ ଓ ତାଙ୍କ ଭାଇ ପ୍ରଭାତଙ୍କୁ ମାର୍ଶାଘାଇ ଡାକ୍ତରଖାନାରୁ କଟକ ସ୍ଥାନାନ୍ତର କରା ଯାଇଥିବା ବେଳେ ବୈଦ୍ୟନାଥଙ୍କ ଅବସ୍ଥା ସଙ୍କଟାପନ୍ନ ରହିଛି । ତାଙ୍କୁ କେନ୍ଦ୍ରାପଡା ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସା ଚାଲିଛି । ତେବେ ଗଣ୍ଡଗୋଳର କାରଣ କିନ୍ତୁ ସ୍ପଷ୍ଟ ଜଣାପଡିନାହିଁ । କିଏ ଓ କେଉଁ କାରଣପାଇଁ ଏମାନଙ୍କୁ ଆକ୍ରମଣ କଲା ତାହାର ସନ୍ଧାନ କରୁଛି ପୋଲିସ
