କିଛି ଦିନରେ ବ୍ୟବଧାନ ପରେ ପୁଣି ସୀମାରେ ଫୁଟିଲା ଗୁଳି । ଜାମ୍ମୁକାଶ୍ମୀର ବାରମୁଲ୍ଲା ଜିଲ୍ଲାରେ ସୁରକ୍ଷାବାହିନୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଛି । ଘଟଣାସ୍ଥଳରୁ ଗୋଟିଏ ପିସ୍ତଲ, ମାଗାଜିନ ସହ ଏକ ଗ୍ରେନେଡ ଜବତ କରାଯାଇଛି
୨-ଗିରଫ ହେଲେ କ୍ରୁଜ ଡ୍ରଗ୍ସ ପାର୍ଟି ମାମଲାର ସାକ୍ଷୀ କିରଣ ଗୋସାଭି । ଏନସିବି କାର୍ଯ୍ୟାଳୟରେ ଆର୍ଯ୍ୟନଙ୍କ ସହ ଫଟୋ ଉଠାଇ ଚର୍ଚ୍ଚାରେ ଥିଲେ । ତାଙ୍କ ନାମରେ ଆର୍ଯ୍ୟନଙ୍କୁ ଛାଡିବା ପାଇଁ ଲାଞ୍ଚ ଅଭିଯୋଗ ମଧ୍ୟ ଥିଲା
୩-ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି(ଗୁରୁବାର) ଭିଡିଓ କନଫରେନ୍ସିଂ ମାଧ୍ୟମରେ 18ତମ ASEAN-ଭାରତ ସମ୍ମିଳନୀରେ ଯୋଗଦେବେ । ପୂର୍ବ ଏସିଆ ସମ୍ମିଳନୀର ପ୍ରତିଷ୍ଠାତା ସଦସ୍ୟ ଭାବରେ ଭାରତ ପୂର୍ବ ଏସିଆ ସମ୍ମିଳନୀକୁ ମଜବୁତ କରିବା ସହ ସମସାମୟିକ ଆହ୍ବାନର ମୁକାବିଲା ପାଇଁ ଏହାକୁ ଅଧିକ ପ୍ରଭାବଶାଳୀ କରିବାକୁ ପ୍ରତିଶ୍ରୁତିବଦ୍ଧ ।
୪-ଲୋକଙ୍କ କଲବଲ କରୁଛି ପେଟ୍ରୋଲ-ଡିଜେଲ ଦର । ଲଗାତାର ଦ୍ବିତୀୟ ଦିନରେ ପୁଣି ଦାମ୍ ବଢାଇଲେ ତୈଳ କମ୍ପାନୀ । ବିଭିନ୍ନ ସ୍ଥାନରେ ପେଟ୍ରୋଲ ଲିଟର ୧୨୦ ଟଙ୍କା ପାର୍
୫-NCB ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେଙ୍କ ବିରୁଦ୍ଧରେ ୨୫ କୋଟି ଲାଞ୍ଚ ମାମଲା । ଏହି ମାମଲାର ଯାଞ୍ଚ କରିବ ACP ମିଲିନ୍ଦ ଖେତଲେଙ୍କ ନେତୃତ୍ବାଧୀନ ଟିମ୍
୬-ପେଗାସସ୍ ସ୍ପାଏୱେର ବ୍ୟବହାରର ତଦନ୍ତ ପାଇଁ ବୁଧବାର ସୁପ୍ରିମକୋର୍ଟ ୩ ଜଣିଆ କମିଟି ଗଠନ କରିଛନ୍ତି । ଏହାର କେଇ ଘଣ୍ଟା ନ ପୁରୁଣୁ ଭାରତୀୟ ଜନତା ପାର୍ଟି (ବିଜେପି) ଜାତୀୟ ମୁଖପାତ୍ର ସମ୍ବିତ ପାତ୍ର ଓ କଂଗ୍ରେସ ନେତା ରାହୁଲ ଗାନ୍ଧୀଙ୍କ ମଧ୍ୟରେ କଥା କଟାକଟି ହୋଇଛି
୭-ରାଜଧାନୀରେ ବିନା ଲାଇସେନ୍ସରେ ଚାଲୁଛି ଡ୍ୟାନ୍ସ ବାର । ହେଲେ ପାନ ଓ ଅଣ୍ଡା ଦୋକନୀଙ୍କ ଉପରେ ଦବଙ୍ଗଗିରି ଦେଖାଉଥିବା ପୋଲିସକୁ ମିଳୁନି ବେଆଇନ ଡ୍ୟାନ୍ସ ବାରର ସୁରାକ୍ । ସନ୍ଦେହରେ ପୋଲିସ ଓ ବିଏମସିର ଭୂମିକା
୮-ରାଜ୍ୟରେ ଧୀରେ ଧୀରେ ତଳକୁ ଖସୁଛି ସଂକ୍ରମଣର ପାରା । ପ୍ରତିଦିନ ଚିହ୍ନଟ ହେଉଥିବା ନୂଆ ଆକ୍ରାନ୍ତଙ୍କ ସଂଖ୍ୟା ଧିରେ ଧିରେ କମୁଛି । ଗତ ୨୪ ଘଣ୍ଟା ମଧ୍ୟରେ ୪୧୨ କରୋନା ପଜିଟିଭ୍ ଚିହ୍ନଟ ହୋଇଛନ୍ତି
୯- ବଲିଉଡ୍ରେ ଏବେ ବିବାହ ଋତୁ ଆରମ୍ଭ ହେବାକୁ ଯାଉଛି। ଶୁଣିବାକୁ ମିଳୁଛି ଯେ ବହୁ ଚର୍ଚ୍ଚିତ ସେଲିବ୍ରିଟି ଯୋଡ଼ି ଚଳିତବର୍ଷ ଶେଷ ଆଡ଼କୁ ହାତକୁ ଦି ହାତ ହେବାକୁ ଯାଉଛନ୍ତି। କିଛି ଦିନ ହେବ ଖବର ଆସୁଥିଲା ଯେ ଭିକ୍କି କୌଶଲ ଓ କ୍ୟାଟ୍ରିନା କୈଫ୍ ବିବାହକୁ ନେଇ ଚର୍ଚ୍ଚା ହେଉଥିବା ବେଳେ ଏବେ ଅଭିନେତ୍ରୀ ଆଲିଆ ଭଟ୍ଟ-ରଣବୀର କପୁରଙ୍କ ବିବାହକୁ ନେଇ ଚର୍ଚ୍ଚା ଚାଲିଛି।
10 ଟି-ଟ୍ବେଣ୍ଟି ବିଶ୍ବକପର ସୁପର-୧୨ ରାଉଣ୍ଡ(ଗ୍ରୁପ-1)ରେ ଆଜି(ଗୁରୁବାର) ଅଷ୍ଟ୍ରେଲିଆ ଓ ଶ୍ରୀଲଙ୍କା ପରସ୍ପରକୁ ଭେଟିବେ । ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକାକୁ ପରାସ୍ତ କରିବା ପରେ ଅଷ୍ଟ୍ରେଲିଆର ମନୋବଳ ଦୃଢ ରହିଛି । ଶ୍ରୀଲଙ୍କା ମନୋବଳ ଦୃଢ ନଥିଲେ ମଧ୍ୟ ସେ ୪ଟି ମ୍ୟାଚ ଜିତି ସାରିଛି
