ଦନ୍ତା ହାତୀକୁ ଇଲେକଟ୍ରିକ୍ କରେଣ୍ଟ ଦେଇ ମାରିଦେଲେ ଦୁର୍ବୁତ୍ତ ଶିକାରୀ
ଏପରି ଘଟଣା ଦେଖିବାକୁ ମିଳିଛି ଦେଓଗଡ଼ ଡିଭିଜନ ,ଖମାର ରେଞ୍ଜ ର ବଡ ବାଲିପସି ଜଙ୍ଗଲ ରେ । ଜଙ୍ଗଲ ମଧ୍ୟରେ ଦନ୍ତା ହାତୀଟିଏ ମରିପଡିଥିବା ଖବର ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେବାପରେ ଖବର ପାଇ ତୁରନ୍ତ ଦେଓଗଡ଼ DFO ତଥା ରେଞ୍ଜର ସଦଳବଳେ ପହଞ୍ଚି ହାତୀ କୁ ଠାବ କରିବା ସହିତ ଆଖପାଖ ଅଞ୍ଚଳର ତଦନ୍ତ ଆରମ୍ଭ କରିଥିଲେ । ତେବେ DFOଙ୍କ କହିବା ଅନୁଯାୟୀ କିଛି ଦୁର୍ବୁତ୍ତ ଜଙ୍ଗଲରେ ଇଲେକ୍ଟ୍ରିକ କରେଣ୍ଟ ଦେଇ ହାତୀ କୁ ମାରିଥିବା ଅନୁମାନ କରାଯାଉଛି ଏବଂ ଖୁବ ଶୀଘ୍ର ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ଦେଓଗଡ଼ DFO କହିଛନ୍ତି । ଲଗାତାର ଭାବେ ଅନେକ ଜାଗାରୁ ହାତୀ ମୃତ୍ୟୁ ଘଟଣା ସାମ୍ନାକୁ ଆସୁଛି । କେବେ ଦାନ୍ତ ପାଇଁ ହାତୀଙ୍କୁ ମରାଯାଉଛି ତ କେଉଁଠି ବିଦ୍ୟୁତ ତାର ଲଗାଇ ,ବାଣ ଖୁଆଇ ଏପରି ଅନେକ ବାଟରେ ହାତୀମାନଙ୍କ ଜୀବନ ନେବାକୁ ପଛାଉ ନାହାନ୍ତି । ସେପଟେ ବଣୁଆ ହାତୀଙ୍କ ସଠିକ ଗଣନା ଓ ହାତୀଙ୍କ ରହିବା ସ୍ଥାନ ବନ ବିଭାଗ ପାଖରେ ଠିକ ରିପୋର୍ଟ ନ ଥିବା ଯୋଗୁଁ କେଉଁଠି ହାତୀ ଆକ୍ରମଣରେ ମଣିଷ ଜୀବନ ଚାଲିଯାଉଛି ତ କେଉଁଠି ହାତୀର ଜୀବନ। ବନ ବିଭାଗ ହାତୀ ର ଚଲାପଥ ଓ ରହଣି ସ୍ଥାନ କୁ ଟ୍ରାକ କରିପାରିଲେ ହୁଏତ ଅଘଟଣ କୁ ରୋକାଯାଇ ପାରନ୍ତା ବୋଲି ସର୍ବସାଧାରଣରେ ଆଲୋଚନା ହେଉଛି।
