ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ଶାଗବାରିଆ ଗ୍ରାମକୁ ଯୌତୁକ ସାମଗ୍ରୀ ଉଦ୍ଧାର କରିବାକୁ ଯାଇଥିବା ବେଳେ ପୋଲିସ ଟିମ ଉପସ୍ଥିତି ଝିଅ ଘର ଲୋକଙ୍କୁ ପୋଲିସ ଭ୍ୟାନରୁ ଘୋଷାଡ଼ି ନିସ୍ତୁକ ପିଲଟିଲେ ପୁଅ ଘର ପରିବାର ।
ସୂଚନା ଅନୁଯାୟୀ ଶାଗବାରିଆ ଗ୍ରାମର ସୁଚିସ୍ମିତା ସେଠୀଙ୍କୁ ଶାଶୁଘର ଲୋକ ନିର୍ଯ୍ୟାତନା ଦେଉଥିବା ତିର୍ତ୍ତୋଲ ଥାନାରେ ଅଭିଯୋଗ ହୋଇଥିଲା । ସ୍ୱାମୀ ବିକ୍ରମ ସେଠୀଙ୍କର ବର୍ଷକ ତଳେ ମୃତ୍ୟୁ ବରଣ ହୋଇଥିବା ବେଳେ ନଅମାସର ଝିଅ ସହ ସୁଚିସ୍ମିତାଙ୍କୁ ଶାଶୁଘର ଲୋକ ମାନସିକ ନିର୍ଯ୍ୟାତନା ଦେବା ସହ ଜୀବନରେ ମାରିଦେବାକୁ ଉଦ୍ୟମ କରୁଥିବା ଅଭିଯୋଗ ହୋଇଥିଲା । ଜୀବନ ଭୟରେ ବାପଘର ବାଲିକୁଦା ଥାନା ଚଷାପଡା ସିଙ୍ଗିରି ଗ୍ରାମରେ ରହୁଥିଲେ । ଏ ନେଇ ତିର୍ତ୍ତୋଲ ଥାନାରେ ସୁଚିସ୍ମିତା ଏକାଧିକବାର ଏତଲା ଦେଇଥିଲେ । ଅଭିଯୋଗକୁ ଭିତ୍ତି କରି ଆଜି ତିର୍ତ୍ତୋଲ ଥାନା ଏସ.ଆଇ ଚନ୍ଦ୍ରମଣୀ ସାହୁଙ୍କ ନେତୃତ୍ୱରେ ପୋଲିସ ଶାଗବାରିଆ ଗ୍ରାମକୁ ଝିଅଘର ଲୋକଙ୍କ ସହ ତାଙ୍କର ଜିନିଷ ପତ୍ର ଆଣିବାକୁ ଯାଇଥିଲେ । କିନ୍ତୁ ଶାଶୁଘର ଲୋକ ହଠାତ ସୁଚିସ୍ମିତାଙ୍କ ବାପଘର ଲୋକଙ୍କ ଉପରେ ଆକ୍ରମଣ କରିବା ଆରମ୍ଭ କରି ଦେଇଥିଲେ । ଆଉ ପୋଲିସର ଉପସ୍ଥିତିରେ ଘଟି ଯାଇଥିଲା ଏଭଳି କାଣ୍ଡ । ପୋଲିସର ବିରୋଧ ସତ୍ତ୍ୱେ ଗାଡି ମଧ୍ୟରୁ ଟାଣି ନିସ୍ତୁକ ଚେଛିଥିଲେ ପୁଅଘର ପରିବାର ଲୋକ । ଏହି ଘଟଣା ପରେ ପୁଅ ଘର ପରିବାର ପକ୍ଷରୁ ଜଗତସିଂହପୁର ଏସପିଙ୍କ ଠାରେ ଅଭିଯୋଗ କରିବାକୁ ଯାଇଥିବା ବେଳେ ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି । ଏଥି ସହିତ ତିର୍ତ୍ତୋଲ ଥାନା ରେ ସମସ୍ତ ଆକ୍ରମଣକାରୀ କୁ ଅଟକ ରଖି ତଦନ୍ତ ଜାରି ରହିଛି ।
