ଶୋଭନୀୟ ଶିକ୍ଷାଶ୍ରମ ର ଶିକ୍ଷୟିତ୍ରୀ ନିର୍ଯାତନା ସହି ନପାରି ଆତ୍ମହତ୍ୟା ଉଦ୍ୟମ କରିବା ବେଳେ ଉଦ୍ଧାର କଲେ ସ୍ଥାନୀୟ ଲୋକ । ସୂଚନା ଅନୁଯାୟୀ ଗରପୁରରେ ଥିବା ଶୋଭନୀୟ ମହିଳା ଶିକ୍ଷାଶ୍ରମ ର ଶିକ୍ଷୟିତ୍ରୀ ପ୍ରଣତି ଲେଙ୍କା ସେହି ବିଦ୍ୟାଳୟର ଅନ୍ୟ ସହକାରୀ ଶିକ୍ଷୟିତ୍ରୀ ମାନଙ୍କ ନିର୍ଯାତନା ସହି ନ ପାରି ସୋମବାର ଦିନ ଅପରାହ୍ନ ରେ ଆତ୍ମହତ୍ୟା ଉଦ୍ୟମ କରିଥିଲେ ।କିନ୍ତୁ ସୌଭାଗ୍ୟ ବଶତଃ ତାଙ୍କୁ ଠିକ ସମୟରେ ଉଦ୍ଧାର କରିଛନ୍ତି ସ୍ଥାନୀୟ ଲୋକମାନେ । ଶିକ୍ଷୟିତ୍ରୀ ପ୍ରଣତିଲେଙ୍କା ଙ୍କ କହିବା ଅନୁଯାୟୀ ୨୦୦୬ ମସିହାରୁ ଏହି ଅନୁଷ୍ଠାନରେ ସେ ଶିକ୍ଷୟିତ୍ରୀ ଭାବେ କାର୍ଯ୍ୟ କରି ଆସୁଛନ୍ତି । ଏହି ଅନୁଷ୍ଠାନ ପାଇଁ ଅନେକ କିଛି କରିଛନ୍ତି ସେ । କିନ୍ତୁ ସେଠାକାର ଅନ୍ୟ ଶିକ୍ଷକ ଓ ଶିକ୍ଷୟତ୍ରୀ ମାନେ ଅନେକ ଦିନ ଧରି ତାଙ୍କ ସହିତ ଦୁର୍ବ୍ୟବହାର କରିବା ସହିତ ମାନସିକ ନିର୍ଯାତନା ଦେଇ ଆସୁଥିବା ସେ ଅଭିଯୋଗ କରିଛନ୍ତି । ଗତ ଶୁକ୍ରବାର ଦିନ ନିଜ ସେ ମହିଳା ବନ୍ଧୁଙ୍କ ସହିତ କଥାବାର୍ତ୍ତା କରୁଥିବା ବେଳେ ସେହି ସମୟର ଭିଡିଓ ରେକଡ଼ିଂ କରି ତାକୁ ଅନ୍ୟ ଢଙ୍ଗରେ ଭାଇରାଲ କରିବା ସହିତ ପ୍ରଣତିଙ୍କୁ ଅଶ୍ଲୀଳ କହି ମାନସିକ ନିର୍ଯ୍ୟାତନା ଦେଇ ଆସୁଥିଲେ ସେହି ଶିକ୍ଷାଶ୍ରମର ଜଣେ ଶିକ୍ଷୟିତ୍ରୀ । ଶେଷରେ ମାନସିକ ଭାରସାମ୍ୟ ହରାଇ ଆତ୍ମହତ୍ୟା ଉଦ୍ୟମ କରିବା ପାଇଁ ବାଧ୍ୟ ହୋଇଥିଲେ ପ୍ରଣତି ।
#NNSODIA
