ରାଜ୍ୟର ଜଣେ ଖ୍ୟାତନାମା ସାମ୍ବାଦିକ , ଗ୍ରାମାଞ୍ଚଳର ସାମ୍ବାଦିକ ମାନଙ୍କପାଇଁ ଗଣମାଧ୍ୟମର ଗୁରୁତ୍ୱ ଦାୟୀତ୍ୱକୁ ବ୍ୟାପକ କରିବାରେ ଅଗ୍ରଣୀ ଭୂମିକା ନିର୍ବାହ କରିଆସିଥିବା ବର୍ଷିୟାନ ସାମ୍ବାଦିକ ଗୋଲଖ ସୁତାରଙ୍କର ଆଜି ପରଲୋକ ଘଟିଛି ! କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ଅନ୍ତର୍ଗତ ସାହାନିଆଜପୁର ଗାଁ’ରେ ଥିବା ତାଙ୍କ ପୈତୃକ ବାସଭବନରେ ବୁଧବାର ଭୋରୁ ଏହି ଶତାୟୁ ପୁରୁଷଙ୍କ ଦେହାନ୍ତ ଘଟିବା ଖବର ପ୍ରସାରିତ ହେବାପରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି ! ସ୍ୱାଧୀନତା ପୂର୍ବରୁ ସାମ୍ବାଦିକତା କ୍ଷେତ୍ରରେ ପାଦଦେଇଥିବା ସ୍ବର୍ଗତ ଗୋଲଖ ଚନ୍ଦ୍ର ଅତ୍ୟନ୍ତ ନିର୍ଭୀକ ଓ ନିଷ୍ଠାପର ଭାବରେ ସମାଜର ସବୁଠାରୁ ତଳ ସ୍ତରରେ ଥିବା ମେହେନତି ମଣିଷ ପାଇଁ ଲେଖନୀ ଚାଳନା କରି ବେଶ ପ୍ରତିଷ୍ଠା ଅର୍ଜନ କରିପାରିଥିଲେ ! ସକରାତ୍ମକ ସମ୍ବାଦ ପରିବେଷଣ ଉପରେ ସେ ସବୁବେଳେ ଗୁରୁତ୍ୱ ଦେଇଆସୁଥିଲେ !ସେ ଓଡିଶା କର୍ମଜୀବି ସାମ୍ବାଦିକ ସଂଘ ର ରାଜ୍ୟ ଉପସଭାପତି ଥିଲେ. ଏହି ଦିବଂଗତପୁରୁଷଙ୍କ ବିୟୋଗରେ ମାହାଙ୍ଗାର ବିଧାୟକ ତଥା ଆଇନିମନ୍ତ୍ରୀ ପ୍ରତାପ ଜେନାଙ୍କ ସମେତ ଅନେକ ବରିଷ୍ଠ ନେତା ତଥା ସାମ୍ବାଦିକ ଗଭୀର ଶୋକ ପ୍ରକାଶ କରି ସମବେଦନା ଜଣାଇବା ସହ ମାହାଙ୍ଗା ମାଟି ଜଣେ ଯୋଗଜନ୍ମା ପୁରୁଷଙ୍କୁ ହରାଇଲା ବୋଲି କହିଛନ୍ତି ! ଶେଷରେ ଆତ୍ମୀୟ ସ୍ୱଜନଙ୍କ ଉପସ୍ଥିତିରେ ଏହି ଶତାୟୁ ପୁରୁଷଙ୍କ ଅନ୍ତିମ ସଂସ୍କାର ଗ୍ରାମ୍ୟ ସ୍ମଶାନରେ ସମ୍ପନ୍ନ ହୋଇଛି ।
#NNSODIA
