ରାସ୍ତା କାମକୁ ବନ୍ଦ କଲେ ବନ୍ଧମୁଣ୍ଡା ଗ୍ରାମବାସୀ

ରାସ୍ତା କାମ କୁ ଅଧାରୁ ବନ୍ଦ କଲେ ଗ୍ରାମବାସୀ | ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅନ୍ତର୍ଗତ ନାଉଗାଁ ଡେରିକ ରାସ୍ତାକାମକୁ ଅଧାରୁ ବନ୍ଦ କରିଛନ୍ତି ବନ୍ଧମୁଣ୍ଡା ଗ୍ରାମବାସୀ | ଏହି ରାସ୍ତା ଗ୍ରାମ୍ୟ ଉନ୍ନୟନ ଓ ଗୃହ ନିର୍ମାଣ ବିଭାଗ ତରଫରୁ ରାସ୍ତା ଟିକୁ କଙ୍କ୍ରିଟ୍ କାର୍ଯ୍ୟ କରାଯାଉଥିବା ବେଳେ ଏହାକୁ ଘୋର ବିରୋଧ କରିଛନ୍ତି ଗ୍ରାମବାସୀ | ଗ୍ରାମବାସୀ ଙ୍କ ଅଭିଯୋଗ ଅନୁଯାୟୀ ଯେହେତୁ ରାସ୍ତା କୁ ଲାଗି କରି ଅନେକ୍ ଲୋକଙ୍କ ଘର ଅଛି । ଯଦି ରାସ୍ତା ଅଧିକ ଉଞ୍ଚା ହୋଇ କାମ ହୋଇ କରାଯାଏ ତେବେ ଅନେକ୍ ଲୋକ ଙ୍କ ଘରେ ବର୍ଷା ପାଣି ପଶିଯିବାର ସମ୍ଭାବନା ରହିଛି | ଏହାର ଉପଯୁକ୍ତ ବ୍ୟବସ୍ତା ନ କରି ରାସ୍ତା କୁ ଉଞ୍ଚା କରାଯାଉଥିବା ବେଳେ ଗ୍ରାମବାସୀ ଏହି କାର୍ଯ୍ୟ କୁ ବନ୍ଦ କରିବା ସହ ରାସ୍ତା ଅବରୋଧ କରିଛନ୍ତି | ଫଳରେ ରାସ୍ତା କାମ ବନ୍ଦ କରାଯାଇଥିବା ଜଣାପଡିଛି |