କାମାକ୍ଷାନଗରରେ ଗୋଷ୍ଠୀ ବିବାଦ । ସୁଚନା ମୁତାବକ କାମାକ୍ଷାନଗର ଏନ୍ଏସ ି ଅନ୍ତର୍ଗତ ଗୋଡିସାହି ଏବଂ କଲୋନି ସାହି ମଧ୍ୟରେ ଦୀର୍ଘଦିନ ହେବ ବିବାଦ ଲାଗି ରହିଥିଲା । ଗତକାଲି ସନ୍ଧ୍ୟା ସମୟରେ ବିବାଦ ଉଗ୍ରରୂପ ନେବା ସହିତ ଉଭୟ ଗୋଷ୍ଠି ମୁହାଁମୁହିଁ ହୋଇଥିଲେ । ରାତି ପ୍ରାୟ ୧୧ ଟା ସମୟରେ ଉଭୟ ଗୋଷ୍ଠୀ ମଧ୍ୟରେ ପ୍ରାୟ ୧୫ ରୂ ଉର୍ଦ୍ଧ୍ୱ ଥର ବୋମା ମାଡ ହେବା ସହିତ ୫ ରାଉଣ୍ଡ ଗୁଳି ଫାଇରିଙ୍ଗ ହୋଇଥିବା ଜଣାପଡିଛି । ଫଳରେ କଲୋନି ସାହିର ଆକାଶ ନାୟକ, ରାଜକିଶୋର ନାୟକ ଏବଂ ତୋଫାନ ପାତ୍ର ଗୁରୁତର ଆହତ ହୋଇଥିବା ସୂଚନା ମିଳିଛି । ଗୁରୁତରଙ୍କୁ ପ୍ରଥମେ କାମାକ୍ଷା ନଗର ମେଡିକାଲରେ ଭତ୍ତ କରାଯାଇଥିଲା । ଗୁଳିବାଜି ଆହତ ହୋଇଥିବା ଆକାଶ ନାୟକ ଏବଂ ତୋଫାନ ପାତ୍ରଙ୍କୁ ପରେ କଟକ ଏସସିବି ମେଡିକାଲକୁ ସ୍ତାନାନ୍ତର କରାଯାଇଥିଲା । ପେଟରେ ଗୁଳି ବାଜିଥିବା ଯୋଗୁଁ ଗୁରୁତର ତୋଫାନ ପାତ୍ର ଆଜି ଭୋର ୪ଟା ସମୟରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛନ୍ତି । ବତ୍ତମାନ ଘଟଣା ସ୍ଥଳରେ ପରିସ୍ଥିତିକୁ ନିୟନ୍ତଣ କରାଯିବା ସହିତ ବ୍ୟାପକ ପୋଲିସ ମୁତୟନ କରାଯାଇଛି । ଏ ସଂକ୍ରାନ୍ତରେ ପୋଲିସ କାହାକୁ ଗିରଫ କରିନଥିବା ସହିତ ଅଧିକ ତଦନ୍ତ ଜାରି ରହିଥିବା ପୋଲିସ ପକ୍ଷରୁ ସୂଚନା ମିଳିଛି ।
