ଫୁଲବାଣୀ: ଦିନ ଦ୍ବିପହରେ ଦୁର୍ବୃତ୍ତଙ୍କ ଆତଙ୍କ ରାଜ। ସ୍କୁଲ ଭିତରେ ପଶି ଶିକ୍ଷୟିତ୍ରୀଙ୍କୁ ଅପହରଣ ଉଦ୍ୟମ। କନ୍ଧମାଳ ଜିଲ୍ଲା ଜି.ଉଦୟଗିରି ଅଞ୍ଚଳରେ ଘଟିଛି ଏଭଳି ଲୋମଟାଙ୍କୁରା ଘଟଣା। ଦୁଇଟି କାରରେ ୬ ଦୁର୍ବୃତ୍ତ ଆସି ପଦାସାହି ପ୍ରାଥମିକ ବିଦ୍ୟାଳୟର ଜଣେ ଶିକ୍ଷୟିତ୍ରୀଙ୍କୁ ଅପହରଣ ଉଦ୍ୟମ କରିଥିଲେ ଏନେଇ ଅନ୍ୟ ଶିକ୍ଷକ, ଶକ୍ଷୟିତ୍ରୀ ମାନେ ବିରୋଧ କରିବାରୁ ଅଭିଯୁକ୍ତ ମାନେ ମାରଣାସ୍ତ୍ର ଦେଖାଇ ସମସ୍ତଙ୍କୁ ଭୟଭୀତ କରିଥିଲେ।ଘଟଣା ସ୍ଥଳରେ ପୋଲିସ ପହଞ୍ଚିବାରୁ ଦୁର୍ବୃତ୍ତମାନେ ଖସି ପଳାଇବାକୁ ଚେଷ୍ଟା କରିଥିଲେ। ସେମାନଙ୍କୁ ପିଛା କରି ୩ଜଣଙ୍କୁ କାବୁ କରିଛି ପୋଲିସ। ମୁଖ୍ୟ ଅଭିଯୁକ୍ତ ଜଣେ ସରକାରୀ ଚାକିରିଆ ହୋଇଥିବା ସୂଚନା ରହିଛି। ସମସ୍ତ ଅଭିଯୁକ୍ତଙ୍କ ଘର ଫୁଲବାଣୀ ଓ ଭୁବନେଶ୍ବରରେ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି। ତେବେ, କେଉଁ କାରଣରୁ ଶିକ୍ଷୟିତ୍ରୀଙ୍କୁ ଅପହରଣ କରିବାକୁ ଉଦ୍ୟମ କରୁଥିଲେ, ତାହା ଅସ୍ପଷ୍ଟ ରହିଛି।
ସ୍କୁଲ ଭିତରେ ପଶି ଶିକ୍ଷୟିତ୍ରୀଙ୍କୁ ଅପହରଣ ଉଦ୍ୟମ
Plugin Install : Subscribe Push Notification need OneSignal plugin to be installed.
