ରାଜ୍ୟରେ ଆଗକୁ ବଢିବ ଶୀତ

ରାଜ୍ୟରେ ଆଗକୁ ବଢିବ ଶୀତ । 11 ଡିଗ୍ରୀ ତଳେ ରାଜ୍ୟରେ 11ଟି ଜିଲ୍ଲାରେ ପାରଦ ରହିଛି | ଆଗାମୀ ତିନି ଦିନ ପାଇଁ ଅଭ୍ୟନ୍ତରୀଣ ଓଡିଶାରେ ଶୀତର ଲହରୀ ଜାରି ରହିବ | ଆଗାମୀ 24 ଘଣ୍ଟାରେ ଅତ୍ୟଧିକ ଶୀତ ପଡିବା ନେଇ 5 ଜିଲ୍ଲାକୁ ଓ଼ରେଞ୍ଜ ୱାର୍ଣ୍ଣି ଜାରି କରିବା ସହିତ 11 ଜିଲ୍ଲାକୁ ୟେଲୋ ୱାର୍ଣ୍ଣି ଜାରି କରାଯାଇଛି | ଅନୁଗୁଳ ବରଗଡ଼,ଝାରସୁଗୁଡ଼ା,ମୟୂରଭଞ୍ଜ ସୁନ୍ଦରଗଡ଼କୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି। କେନ୍ଦୁଝର,କନ୍ଧମାଳ,କଟକ,କୋରାପୁଟ, କଳାହାଣ୍ଡି, ନୂଆପଡ଼ା, , ବୌଦ୍ଧ, ସୋନପୁର, , ଢ଼େଙ୍କାନାଳ ଦେବଗଡ଼, ବାଲେଶ୍ୱରକୁ ୟେଲୋ ୱାର୍ଣ୍ଣିଂ ଜାରି ହୋଇଛି । ଉପକୂଳବର୍ତ୍ତୀ ଜିଲ୍ଲାରେ ତାପମାତ୍ରା ରାତିରେ ୩ରୁ ୪ ଡିଗ୍ରୀ କମିବା ସମ୍ଭାବନା ରହିଛି । ଏ ନେଇ ଟ୍ୱିଟ୍ କରି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି।