ପୂର୍ବତନ ମୁଖ୍ୟମନ୍ତ୍ରୀ ଗିରିଧାର ଗମାଙ୍ଗ କୋଭିଡ ସଂକ୍ରମିତ

ଭୁବନେଶ୍ୱର: ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ରାଜନେତା ଗିରିଧାରୀ ଗମାଙ୍ଗ କୋଭିଡ ସଂକ୍ରମିତ ହୋଇଛନ୍ତି । ଏକଥା ଜାଣିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କର ଆଶୁ ଆରୋଗ୍ୟ ଓ ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ରାଜନେତା ଗିରିଧାରୀ ଗମାଙ୍ଗ କୋଭିଡ ସଂକ୍ରମିତ ହୋଇଥିବା ନେଇ ଅବଗତ ହେଲି। ତାଙ୍କର ଆଶୁ ଆରୋଗ୍ୟ ଓ ଉତ୍ତମ ସ୍ୱାସ୍ଥ୍ୟ କାମନା କରୁଛି।  ୭୮ ବର୍ଷିଅ ଗିରିଧାରୀ ଗମାଙ୍ଗ କରୋନା ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି । ୧୯୭୨ରେ ପଞ୍ଚମ ଲୋକସଭାକୁ ସେ ନିର୍ବାଚନ ହୋଇଥିଲେ । ଦ୍ୱିତୀୟ ଥର ପାଇଁ ୧୯୭୭ରେ ଲୋକସଭାକୁ ନିର୍ବାଚନ ହୋଇଥିଲେ ଗିରିଧାରୀ ଗମାଙ୍ଗ । କେନ୍ଦ୍ରରେ ବିଭିନ୍ନ ବିଭାଗର ମନ୍ତ୍ରୀ ଦାୟିତ୍ୱ ମଧ୍ୟ ସେ ତୁଲାଇଛନ୍ତି । ୧୯୯୯ ଫେବ୍ରୁଆରୀରୁ ସେହିବର୍ଷ ଡିସେମ୍ବର ଯାଏ ସେ ଓଡ଼ିଶାର ମୁଖ୍ୟମନ୍ତ୍ରୀ ଥିଲେ ।