ଜାମାଇକାରେ ଓଡିଆ ଝିଅ ଶ୍ରାବଣୀ ନନ୍ଦଙ୍କ ଜଲୱା; ଚମତ୍କାର ଦୌଡ ପାଇଁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ଓ କେନ୍ଦ୍ରମନ୍ତ୍ରୀ

ଜାମାଇକାର କିଙ୍ଗଷ୍ଟନରେ ଓଡିଶାର ମହିଳା ଧାବିକା ଶ୍ରାବଣୀ ନନ୍ଦ ଚତ୍ମକାର ପ୍ରଦର୍ଶନ କରି ତୃତୀୟ ସ୍ଥାନ ଅଧିକାର କରିଛନ୍ତି । ସେଥିଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କୁ ଶୁଭେଚ୍ଛା ଜଣାଇଛନ୍ତି । ସେ ମହିଳା ୨୦୦ମି. ଦୌଡ଼ରେ ତୃତୀୟ ସ୍ଥାନ ଅଧିକାର କରିଛନ୍ତି । ତାରକା ଖଚିତ ମହିଳା ୨୦୦ମି. ଦୌଡ଼ରେ ଶ୍ରାବଣୀଙ୍କ ପ୍ରଦର୍ଶନ ବେଶ୍‌ ଉଚ୍ଚକୋଟୀର ରହିଥିଲା । ସେ ନିର୍ଦ୍ଧାରିତ ଦୂରତାକୁ ୨୩.୨୯ ସେକେଣ୍ଡରେ ଶେଷ କରି ତୃତୀୟ ସ୍ଥାନ ଅଧିକାର କରିଥିଲେ । ଅନ୍ୟ ପଟରେ ଦୁଇଥର ଅଲିମ୍ପିକ୍‌ ଚାମ୍ପିଅନ୍‌ ତଥା ଜାମାଇକାର ଷ୍ଟାର୍‌ ଧାବିକା ସେଲି ଆନ୍‌ ଫ୍ରେଜର-ପ୍ରାଇସ୍‌ ପ୍ରଥମ ସ୍ଥାନ ଅଧିକାର କରିଛନ୍ତି । ସେ ୨୨.୨୬ ସେକେଣ୍ଡରେ ରେସ୍‌ ଶେଷ କରିଥିଲେ ।