ଖୋର୍ଦ୍ଧା ଜିଲ୍ଲା ୧୬ନଂ ଜାତୀୟ ରାଜପଥ ଟାଙ୍ଗୀ ଥାନା ନୂଆଗାଁ ଛକ ନିକଟରେ ଘଟିଛି ଦୁର୍ଘଟଣା । ଭୁବନେଶ୍ୱର ରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ ଟ୍ରକ୍ କୁ ଧକ୍କା ଦେଲା ବ୍ରହ୍ମପୁର ରୁ ଭୁବନେଶ୍ୱର ଅଭିମୁଖେ ଆସୁଥିବା ବସ୍ ( ମିରାକିଲ୍ ହଲିଡେ ନାମକ ଯାତ୍ରିବାହୀ ବସ୍ ) ମଧ୍ୟରେ ହୋଇଥିଲା ମୁହାଁମୁହିଁ ଧକ୍କା । ଘଟଣା ସ୍ଥଳରେ ଟ୍ରକ୍ ହେଲପର ର ମୃତ୍ୟୁ ହୋଇଛି । ଅନ୍ୟପଟରେ ଟ୍ରକ୍ ଚାଳକ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସିତ ହେଉଛନ୍ତି । ମୃତ ଟ୍ରକ୍ ହେଲପର ଜଣଙ୍କ ଝାରଖଣ୍ଡ ଅଞ୍ଚଳର ଅମିତ କୁମାର ଏବଂ ଆହତ ଟ୍ରକ ଚାଳକ ହେଉଛନ୍ତି ତାରକେଶ୍ୱର ଶର୍ମା ବୋଲି ଜଣାପଡିଛି । ବସ୍ ରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ପୋଲିସ କହିଛନ୍ତି । ଜାତୀୟ ରାଜପଥ ରେ ରାସ୍ତା ନିର୍ମାଣ କାର୍ଯ୍ୟ ଚାଲିଥିବା ଯୋଗୁଁ ଗୋଟିଏ ରାସ୍ତା ରେ ଗାଡ଼ି ଚଳାଚଳ କରୁଥିବା ସମୟରେ ଘଟିଛି ଏହି ଦୁର୍ଘଟଣା । ଘଟଣା ସ୍ଥଳରେ ଟାଙ୍ଗୀ ଅଗ୍ନିଶମ ବାହିନୀ ପହଞ୍ଚି ଟ୍ରକ୍ ମଧ୍ୟରୁ ମୃତ ହେଲପର ଙ୍କ ମୃତ ଦେହ କୁ ଉଦ୍ଧାର କରିଛି। ଟାଙ୍ଗୀ ଥାନା ପୋଲିସ ଘଟଣାସ୍ଥଳରେ ପହଂଚି ଦୁର୍ଘଟଣା ଗ୍ରସ୍ତ ଗାଡ଼ି ଦୁଇଟି ଜବତ କରିବା ସହିତ ଦୁର୍ଘଟଣା ଯୋଗୁଁ ହୋଇଥିବା ରୋଡ୍-ବ୍ଲକ କୁ ପ୍ରଶମିତ କରି ତଦନ୍ତ ଆରମ୍ଭ କରିଛି ।
