ବଣୁଆ ହାତୀ ଆକ୍ରମଣରେ ଯୁବକ ଗୁରୁତର

ବାଲେଶ୍ୱର ଜିଲ୍ଲା ରାଇବଣିଆ ବନ ବିଭାଗ ଅଧିନରେ କିଛି ଦିନ ଧରି ୪୦ ଟିକିଆ ହାତୀପଲ ଆତଙ୍କ ଦେଖାଦେଇଛି । ହାତୀପଲ ଆତଙ୍କ ରଚି ଫେରି ଯାଇଥିଲା ବେଳେ ଗୋଟିଏ ହାତୀ ରହିଯାଇଥିଲା । ଏହି ହାତୀ ଆଜି ସକାଳ ସମୟରେ ଜଳେଶ୍ୱର ଥାନା ବାଣୀଦା ଗାଁ ମଧ୍ୟକୁ ପଶି ଆତଙ୍କ ରଚି ଥିଲା । କିଛି ଘର ଭାଙ୍ଗିଵା ସହ ଗ୍ରାମର ୪୦ ବର୍ଷର ଯୁବକ ସୂର୍ୟ୍ୟକାନ୍ତ ବାରିକକୁ ଆକ୍ରମଣ କରି ଥିଲା । ହାତୀ ଆକ୍ରମଣରେ ସୂର୍ୟ୍ୟକାନ୍ତ ବାରିକ ଗୁରୁତ୍ୱର ହୋଇଥିଲେ, ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ପ୍ରଥମେ ଜଳେଶ୍ୱର ପରେ ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରିଛନନ୍ତି । ହାତୀ ଘଉଡାଇବା ପାଇଁ ବନ ବିଭାଗ ଓ ଗ୍ରାମବାସୀ ଉଦ୍ୟମ ଜାରୀ ରଖିଥିବା ଦେଖିବାକୁ ମିଳିଛି । କିଛିଦିନ ଧରି ୪୦ଟିକିଆ ଝାଡ଼ଖଣ୍ଡି ହାତୀ ରାଇବଣିଆ ଅଂଚଳରେ ଆତଙ୍କ ଖେଳାଉଥିବା ବେଳେ ବର୍ତମାନ ସମୟରେ ଲୋକମାନେ ଜଙ୍ଗଲରେ ନିଆଁ ଲଗେଇ ଦେଉଥିବାରୁ ହାତୀ ଗାଁ ମୁହାଁ ହେଉଛନ୍ତି ବୋଲି ଗ୍ରାମବାସୀ କହିଛନ୍ତି ।