ରାମଚନ୍ଦ୍ର ପରିରାୟ ଙ୍କ ୮୬ ତମ ଜୟନ୍ତୀ ଓ ପଞ୍ଚମ ବାର୍ଷିକ ସାମ୍ଭତ୍ସରିକ ସମାରୋହ

ଯାଜପୁର ଜିଲ୍ଲା ,ବଡଚଣା ବ୍ଲକ,ସାଉଡିଆ ଗ୍ରାମରେ ଜନ୍ମ ନେଇଥିବା ,କବି ରାମଚନ୍ଦ୍ର ପରିରାୟ ଙ୍କ ପଞ୍ଚମ ବାର୍ଷିକ ସାମ୍ଭତ୍ସରିକ ସମାରୋହ ସହ ୮୬ ତମ ଜନ୍ମଜୟନ୍ତୀ ପର୍ବ ନିଜ ଗାଁ ମାଟି ସାଉଡିଆ ବଟମୂଳ ପଡିଆ ଠାରେ ଅନୁଷ୍ଠିତ ହୋଇଯାଇଛି |ଉକ୍ତ ଉତ୍ସବ ରେ ସମ୍ମାନନୀୟ ଜନପ୍ରତିନିଧି ,ସାହିତ୍ୟ ସାଧକ ,ସଂସ୍କୃତି ପ୍ରେମୀ କଳାକାର ବ୍ୟକ୍ତି ବିଶେଷ ଯୋଗଦେଇ କବିଙ୍କ ଫଟୋ ଚିତ୍ର ରେ ମାଲ୍ୟାର୍ପଣ କରି ପ୍ରଦୀପ ପ୍ରଜ୍ୱ୍ବଳନ କରାଯିବା ସହ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା |କବି ରାମଚନ୍ଦ୍ର ପରିରାୟ,ସ୍ମୃତି ସଂସଦ ,ସଭାପତି,ରାଜେନ୍ଦ୍ର ନାରାୟଣ ରାୟ ମଞ୍ଚରେ ଅଧ୍ୟକ୍ଷତା କରି କବି ଙ୍କ କାଳଜୟୀ କାର୍ଯ୍ୟ ପୁସ୍ତକ ଅଭିଜ୍ଞାନ ,ଚିତ୍ରକଳା,କଳ୍ପମଞ୍ଜରୀ ଓ ସତ୍ୟାର୍ଥ ଦର୍ପଣ,କାବ୍ୟର ସମୀକ୍ଷା କରିଥିଲେ |ସମ୍ପାଦକ ସତ୍ୟବ୍ରତ ପରିଡା,ବାର୍ଷିକ ସମାରୋହ ବାର୍ତ୍ତା ପଠନ କରିଥିଲେ | ମୁଖ୍ୟ ଅତିଥି ବଡଚଣା ବିଧାୟକ ଅମର କୁମାର ନାୟକ,ମୁଖ୍ୟ ବକ୍ତା ବିଶିଷ୍ଟ ପ୍ରବକ୍ତା ଶିକ୍ଷାବିତ ଶାରଦା ପ୍ରସନ୍ନ ମିଶ୍ର,ସମ୍ମାନିତ ଅତିଥି ପ୍ରଫେସର ଡଃ ଚନ୍ଦ୍ରକାନ୍ତ ମହାନ୍ତି ଓ ପ୍ରାଧ୍ୟାପକ ସୁବ୍ରତ ଦାସ ଯୋଗଦେଇ କବିଙ୍କ ଲିଖିତ ପୁସ୍ତକ ସଂଭାର କାଳଜୟୀ ବୋଲି ମତ ରଖିଥିଲେ |ସ୍ମୃତି ସଂସଦ ମଞ୍ଚରେ ଅବସର ପ୍ରାପ୍ତ ଶିକ୍ଷକ ଉମାକାନ୍ତ ବଳ ,ବିଶିଷ୍ଟ ଆଧ୍ୟାତ୍ମିକ ପ୍ରବର୍ତ୍ତା ବିଭୁତି ଭୂଷଣ ପାଳ ,ସୁନାମ ଧନ୍ୟ ପାଲାଗାୟିକା ଶ୍ରୀମତୀ କଳ୍ପନା ନାୟକ ଙ୍କୁ ଅତିଥି ଙ୍କ ଗହଣରେ ଉତ୍ତରୀୟ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା | ଅନ୍ୟମାନଙ୍କ ମଧ୍ୟରେ ସାଉଡିଆ ସରପଞ୍ଚ ଜଗନ୍ନାଥ ଖଣ୍ଡାଇ ,ସମିତି ସଭ୍ୟ ସୁରେନ୍ଦ୍ର ସେନାପତି ,ପ୍ରାକ୍ତନ ସରପଞ୍ଚ ,ସମାଜସେବୀ ବିପିନ ବିହାରୀ ଦକ୍ଷିଣରାୟ ,ଅବସର ପ୍ରାପ୍ତ ଶିକ୍ଷକ ଭାଗ୍ୟଧର ସାହୁ ମଞ୍ଚାସୀନ ଥାଇ ବକ୍ତବ୍ୟ ରଖିଥିଲେ |ପୂର୍ବାହ୍ନ ରେ କବି ଓ କବୟତ୍ରୀ ଙ୍କ ଗହଣରେ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା |ସମ୍ପାଦକ ସତ୍ୟବ୍ରତ ପରିଡା ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ |