ନବରଙ୍ଗପୁର ଜିଲ୍ଲା ପାଇଁ ଆମର ଗୋଟିଏ ଦଳ ଲଢେଇ କରିବ

ନବରଙ୍ଗପୁର ଜିଲ୍ଲାର ସ୍ୱାର୍ଥ ପାଇଁ କଂଗ୍ରେସ ଦଳ ଏକା ଲଢେଇ କରିବ , ଜିଲ୍ଲାର ସମସ୍ତ ମେଡିକାଲରେ ଯେଉଁ ପଦବୀ ଖାଲି ପଡ଼ିଛି ଓ ରୋଗୀ ହନ୍ତସନ୍ତ ହେଉଛନ୍ତି ଏହା ପାଇଁ ଆମେ ଏକା ସ୍ୱର ଉତ୍ତୋଳନ କରିବୁ । ଏକ ସାମ୍ବାଦିକ ସମ୍ମିଳନୀ ଆୟୋଜନ କରି ନବରଙ୍ଗପୁର କଂଗ୍ରେସ ସଭାପତି ଭୁଜବଳ ମାଝୀ କହିଛନ୍ତି । ସୂଚନା ଥାଉକି ଗତ କିଛି ଦିନ ତଳେ ପୂର୍ବତନ ସାଂସଦ ପ୍ରଦୀପ ମାଝୀ ଆହ୍ୱାନ କ୍ରମେ ସର୍ଵ ଦଳୀୟ ଓ ସର୍ବ ସଙ୍ଗଠନ ମିଳିତ ଭାବେ ଏକ ବୈଠକର ଆୟୋଜନ କରି ସ୍ୱାସ୍ଥ୍ୟ ସେବା ଉପରେ ଅଭିଯୋଗ ଆଣିଥିଲେ । ଏଠାରେ କେତେକ କଂଗ୍ରେସ ନେତା ସହଯୋଗ କରିଥିଲେ । କିନ୍ତୁ ଆଜି କଂଗ୍ରେସ ସଭାପତି ଭୁଜବଳ ଏହାକୁ ଖଣ୍ଡନ କରି କହିଛନ୍ତି , ଆମେ ବିଜେଡି ସହ ଲଢେଇ ନ କରି ଏକାକୀ ଲଢେଇ କରିବୁ ଜିଲ୍ଲାର ସ୍ୱାର୍ଥ ପାଇଁ । ବିଜେଡି ଦଳ ଦୀର୍ଘ ବର୍ଷ ଶାସନ କରି କଣ ଉନ୍ନତି କରିଛି ଯେ ତା ସହ ଆମେ ମିଶି ଆନ୍ଦୋଳନ କରିବୁ । ଯେଉଁମାନେ ସେହି ଦିନ ଯାଇଥିଲେ ସେମାନଙ୍କୁ ଆମେ ପଠାଇ ନ ଥିବା ଓ କଂଗ୍ରେସ ଦଳ ବିଜେଡି ସହ ମିଶି ଲଢେଇ କରିବୁ ନାହିଁ ଆଜିର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।