ଛୁରା ଦେଖାଇ ମହିଳାଙ୍କ ଠାରୁ 20 ଲକ୍ଷ ରୁ ଉର୍ଦ୍ଧ ସହ 6 ଭରି ସୁନା ଅଳଙ୍କାର ଲୁଟ

ଛୁରା ଦେଖାଇ ମହିଳାଙ୍କ ଠାରୁ 20 ଲକ୍ଷ ରୁ ଉର୍ଦ୍ଧ ସହ 6 ଭରି ସୁନା ଅଳଙ୍କାର ଲୁଟ.. ନବରଙ୍ଗପୁର ସହର ର ହୃଦପିଣ୍ଡ ବୋଲି କୁହାଯାଉଥିବା କେଉଁଟ ସାହି ରେ ସନ୍ଧ୍ୟା ସମୟରେ ଜନପୂର୍ଣ୍ଣ ଜାଗାରୁ ଦୁଇ ଦୁର୍ବୁତ୍ତ ଘରେ ପଶି ଲୁଟ କରିଛନ୍ତି l ଘରେ ଏକାକୀ ଥିବାର ସୁଯୋଗ ନେଇଁ ମହିଳା ଙ୍କୁ ହାତ ଓ ପାଟି ବାନ୍ଧି ଛୁରା ଦେଖାଇ 20 ଲକ୍ଷ ରୁ ଉର୍ଦ୍ଧ ନଗଦ ଟଙ୍କା ସହ 6 ଭରି ରୁ ଉର୍ଦ୍ଧ ସୁନା ଅଳଙ୍କାର ଲୁଟ କରାଯାଇଛି l ଘଟଣା ଘଟିଛି ନବରଙ୍ଗପୁର ସହର କେଉଁଟସାହି ର ବ୍ୟବସାୟୀ ସରୋଜ ମହାନ୍ତି ଙ୍କ ଘରେ l ସରୋଜ ନିଜର ବ୍ୟବସାୟ କାର୍ଯ୍ୟ ପାଈଁ ବାହାରେ ଥିବାବେଳେ 2 ଜଣ ଲୁଟେରା ମୁଖା ପିନ୍ଧି ସନ୍ଧ୍ୟା 6.30 pm ରେ ସରୋଜ ଙ୍କ ଉପର ମହଲା ଘରକୁ ପଶିଥିଲେ l ଘରେ ଏକାକୀ ଥିବା ତାଙ୍କ ସ୍ତ୍ରୀ ଅମିତା ମହାନ୍ତି କୁ ହଠାତ ହାତ ଓ ପାଟି ବାନ୍ଧି ଛୁରୀ ଦେଖାଇ ସେ ପିନ୍ଧିଥିବା ଅଳଙ୍କାର ଲୁଟି ଥିଲେ l ପରବର୍ତ୍ତୀ ସମୟରେ ଚାକୁ ଦେଖାଇ ଭୟଭୀତ କରିବା ସହ ଭିତର ଆଲମାରୀ ରେ ଥିବା 20 ଲକ୍ଷ ରୁ ଉର୍ଦ୍ଧ ଟଙ୍କା ସହ ସୁନା ଅଳଙ୍କାର ଲୁଟି ନେଇଁ ମହିଳା ଙ୍କୁ ଧକ୍କା ଦେଇ କବାଟ ବନ୍ଦ କରି ଫେରାର ହୋଇଯାଇଥିଲେ l ପରେ ମହିଳା ଜଣଙ୍କ ନିଜ ସ୍ୱାମୀ ଙ୍କୁ ଫୋନ କରି ଜଣାଇବା ପରେସରୋଜ ଘରକୁ ଆସି ପୋଲିସ କୁ ଖବର ଦେଇଥିଲେ l ନବରଙ୍ଗପୁର ପୋଲିସ ଘଟଣାସ୍ଥଳ କୁ ଆସି ଲୁଟ ଶିକାର ହୋଇଥିବା ମହିଳା ଙ୍କୁ ପଚରାଉଚରା କରିବା ସହ ତଦନ୍ତ କରୁଛି l ଅନ୍ୟପଟେ ଘଟଣାସମ୍ବେଦନଶୀଳ ରହିଥିବାରୁ ନବରଙ୍ଗପୁର SP ମିହିର କୁମାର ପଣ୍ଡା, ASP ଆଦିତ୍ୟ ସେନ, SDPO କୃଷ୍ଣଚନ୍ଦ୍ର ଭତରା ଘଟଣା ସ୍ଥଳ କୁ ଆସି ନିରୀକ୍ଷଣ କରିଛନ୍ତି l ଏଥିସହ ଘଟଣାସ୍ଥଳ କୁ ସାଇଣ୍ଟିଫିକ ଟିମ ଆଣି ତଦନ୍ତ କରିବା ସହ ଏକ ସ୍ୱତନ୍ତ୍ର ତଦନ୍ତ ଟିମ ତିଆରି କରିବା ସହିତ ନବରଙ୍ଗପୁର ଜିଲ୍ଲାର ସମସ୍ତ ଥାନା ର ବିଭିନ୍ନ ରାସ୍ତା କୁ ବ୍ଳକିଙ୍ଗ କରାଯାଇଥିବା ନବରଙ୍ଗପୁର SP ମିହିର କୁମାର ପଣ୍ଡା ସୂଚନା ଦେଇଛନ୍ତି l ଅନ୍ୟପଟେ ସନ୍ଧ୍ୟା ସମୟରେ ଜନ ଗହଳି ଜାଗାରେ ଏଭଳି ଘଟଣା ଘଟି ଥିବାରୁ ପାଖ ପଡିଶା ଓ ସହରବସି ଭୟଭୀତ ହୋଇରହିଛନ୍ତି l