ସୋରଡ଼ା ଋଷିକୁଲ୍ୟା ସ୍ନାତକ ମହାବିଦ୍ୟାଳୟରେ ବାର୍ଷିକ ଉତ୍ସବ

ସୋରଡ଼ା ଋଷିକୁଲ୍ୟା ସ୍ନାତକ ମହାବିଦ୍ୟାଳୟ ରେ ଶନିବାର ବାର୍ଷିକ ଉତ୍ସବ ମହାସମାରୋହ ରେ ପାଳିତ ହୋଇଯାଇଛି l ଅଧ୍ୟକ୍ଷ ରମେଶ ଚନ୍ଦ୍ର ପାଢ଼ୀଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ନୀଳମଣି ବିଷୋୟୀ, ମୁଖ୍ୟ ବକ୍ତା ଭାବେ ତାରାତାରିଣୀ ମହାବିଦ୍ୟାଳୟ ଅଧ୍ୟାପକ ଡକ୍ଟର ପ୍ରବୀର କେଶରୀ ପ୍ରଧାନ, ସାନମାନିତ ଅତିଥି ନଗରପାଳ ଶିବ ଶଙ୍କର ପଣ୍ଡା, ବରିଷ୍ଠ କଳାକାର ଶିବ ପ୍ରସାଦ ଦାସ, ପାଟପୁର ମହାବିଦ୍ୟାଳୟ ଅଧ୍ୟକ୍ଷ ପ୍ରଫୁଲ୍ଲ ଚନ୍ଦ୍ର ମହାରଣା ମଂଚାସୀନ ଥିଲେ l ସ୍ୱାଗତ ଭାଷଣ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା l ବିଧାୟକ ପ୍ରଦୀପ ପ୍ରଜ୍ବଳନ କରିଥିଲେ l ଛାତ୍ରୀମାନେ ପ୍ରଥମେ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ l ବାର୍ଷିକ ବିବରଣୀ ପଠନ କରାଯାଇଥିଲା l ସମସ୍ତ ଶିକ୍ଷାର୍ଥୀ ନିଜର ଶିକ୍ଷା ଗ୍ରହଣ ସମୟ କୁ ଯଥେଷ୍ଟ ଧ୍ୟାନ ଦେଇ ଅଗ୍ରସର ହେଲେ ଆଗାମୀ ଭବିଷ୍ୟତ ଉଜ୍ବଳମୟ ହେବା ସହ ସାମାଜିକ ବିକାଶ, ଆର୍ଥିକ ବିକାଶ ତଥା ଦେଶ ସମୃଦ୍ଧି ରେ ନିଜର ଅଂଶୀଦାର ବୃଦ୍ଧି ପାଇବ I ଶୃଙ୍ଖଳିତ ବିଚାରଧାରା, ଶାନ୍ତ ସରଳ ଜୀବନ ଜାପନ ପ୍ରଣାଳୀ ହିଁ ପ୍ରତି ବିଦ୍ୟାର୍ଥୀ ଙ୍କୁ ଉର୍ନ୍ନତି ର ଶିଖର ରେ ପହଞ୍ଚାଇବ ବୋଲି ବିଧାୟକ କହିଥିଲେ I ମନୁଷ୍ୟ ଜୀବନ ରେ ପ୍ରତି ଟି ସମୟରେ ଶିକ୍ଷା ର ଆବଶ୍ୟକତା ରହିଛି I ଏହାକୁ ଶ୍ରଦ୍ଧା ର ସହ ଗ୍ରହଣ କଲେହିଁ ନିଜର ଦକ୍ଷତା ବୃଦ୍ଧି ପାଇବ ବୋଲି ଅତିଥି ମାନେ କହିଥିଲେ I ପୂର୍ବରୁ ଅନୁଷ୍ଠିତ ବିଭିର୍ଣ୍ଣ ଖେଳ କୁଦ, ସାଂସ୍କୃତିକ ପ୍ରତିଯୋଗିତା ର କୃତି ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା l ପରେ ଛାତ୍ରୀ ମାନେ ସାଂସ୍କୃତିକ ନୃତ୍ୟ ପରିବେଷଣ କରିଥିଲେ I ଅଧ୍ୟାପକ ସୁଧାଂଶୁ ଶେଖର ପଣ୍ଡା, ହୃଷିକେଶ ମିଶ୍ର, ସିପ୍ରା ରାଣୀ ପାତ୍ର, ତପନ କୁମାର ସାହୁ ସମେତ ଛାତ୍ର ଛାତ୍ରୀ ମାନେ ପରିଚାଳନା କରିଥିଲେ lଅନ୍ୟମାନଙ୍କ ମଧ୍ୟରେ ସରପଞ୍ଚ ଦେବରାଜ ମଳିକ,ସମାଜସେବୀ ସୁରେଶ ବେହେରା, ଜୟରାମ ପାତ୍ର, ଜଗଦୀଶ ରାଜୁ, ଲଷ୍ମୀ ଚରଣ ପଣ୍ଡା, ସନ୍ଦୀପ କୁମାର ପଣ୍ଡା, ବିଜୟ ସାହୁ ପ୍ରମୁଖ ଉପସ୍ଥିତ ଥିଲେ I