ବଜ୍ରାଘାତରେ ଘରେ ବ୍ୟାପକ ନଷ୍ଟ, ଜଣେ ଆହତ

ସୁକିନ୍ଦା ବ୍ଲକ ଅନ୍ତର୍ଗତ ବୋଉଳପାଳ ଗ୍ରାମରେ ସୋମବାର ଅପରାହ୍ନରେ ବଜ୍ରାଘାତ ଘଟି ବ୍ୟାପକ କ୍ଷୟକ୍ଷତି ଘଟିବା ସହ ଜଣେ ଆହତ ହୋଇଥିବା ଦେଖିବାକୁ ମିଳିଛି।ସୂଚନା ମୁତାବକ ସୋମବାର ଅପରାହ୍ନ ସମୟରେ ପ୍ରଚଣ୍ଡ ବଜ୍ରାଘାତ ପ୍ରଭାବରେ ବୋଉଳପାଳ ଗ୍ରାମର ମିଟୁ ଖୁଣ୍ଟିଆଙ୍କ ଦୁଇ ପୁଅ ରଞ୍ଜନ ଖୁଣ୍ଟିଆ ଓ ସୁଶାନ୍ତ ଖୁଣ୍ଟିଆଙ୍କ ଘର ଫାଟି ନଷ୍ଟ ହେବା ସହିତ ଘରେଥିବା ବିଭିନ୍ନ ବିଦ୍ୟୁତ୍ ସାରଞ୍ଜାମ ପୋଡ଼ି ନଷ୍ଟ ହୋଇଯାଉଛି । ଏହି ବଜ୍ରାଘାତରେ ସୁଶାନ୍ତ ଖୁଣ୍ଟିଆ ଆହତ ହୋଇଥିବା ଦେଖିବାକୁ ମିଳିଛି।