କରାଟେ ସ୍କୁଲର ଗ୍ରେଡେସନ ଉତ୍ସବ ପାଳିତ :

ସୁନ୍ଦରଗଡ଼ ଜିଲ୍ଲାର ବଣାଇଁଗଡ ଉପଖଣ୍ଡ ସ୍ଥିତ ପିଏଆଇଟିଡିଏ ସଭା ଗୃହରେ କୋଟାକା ହା ସିତରିୟୁ କରାଟେ ଡୁର କଲର ବେଲଟ୍ ଓ ବ୍ଲାକ ବେଲଟର ଗ୍ରେଡେସନ ଉତ୍ସବ ପାଳିତ ହୋଇ ଯାଇଛି।ଏହି ଉତ୍ସବରେ ମୁଖ୍ୟ ଅତିଥି ଭାବେ ଅରବିନ୍ଦ ସ୍କୁଲର ଅଧ୍ୟକ୍ଷ ବଳଦେବ ମହାନ୍ତି, ବଣାଇଁ କରାଟେ ଡୁ ଆସୋସିଏସନ୍ ସଭାପତି ବିଷ୍ଣୁ ଚରଣ ବାରିକ,ସମ୍ପାଦକ ତଥା ଜାତୀୟ କୋଚ୍ ବିଶ୍ଵଜିତ ବାରିକ,ଉପଦେଷ୍ଟା ଯୁଧିଷ୍ଟିର ବେହେରା, ଜେନାମଣି ବେହେରା, ସୁରେଶ ତନ୍ତୀ , ବାଣେଶ୍ୱର ଭୂମିଜ୍ ପ୍ରମୁଖ ଉପସ୍ଥିତ ରହି ଅନୁଷ୍ଠାନିକ ଭାବେ ଉଦଘାଟନ କରିଥିଲେ। ଏହି ଗ୍ରେଡେସନରେ ୪୫ ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହେଇ ଥିବା ବେଳେ ସେମାନଙ୍କୁ ବେଲ୍ଟ ଓ ମାନପତ୍ର ପ୍ରଦାନ କରାଯାଇଥିଲା।ଏହି ଉତ୍ସବରେ ଦୁଇ ଜଣ କରାଟେ କା ତଥା ସିଆଇ ଏସ ଇର ରାଜ୍ୟ ସ୍ତରୀୟ ଆଞ୍ଚଳିକ କରାଟେ ପ୍ରତିଯୋଗିତା ରେ ସ୍ଵର୍ଣ୍ଣ ପଦକ ପ୍ରାପ୍ତ ଏବଂ ଟୁଇଙ୍କିଲ୍ ବେହେରାଙ୍କୁ ଜାତୀୟ ସ୍ତର ମାର୍ଶାଲ ଆର୍ଟ ପ୍ରତିଯୋଗିତାରେ ଅନେକ ଥର ସ୍ଵର୍ଣ୍ଣ ପଦକ ପ୍ରାପ୍ତ କରିଥିବାରୁ ସମ୍ମାନିତ କରାଯାଇଥିଲା। ଏହି ଉତ୍ସବକୁ ସମ୍ପେଇ ପ୍ରତ୍ୟୁଷ ପାତ୍ର ସୃତିସ୍ମିତା ବେହେରା ଓ ଷୌମେନ୍ଦ୍ର ପ୍ରଧାନ ପ୍ରମୁଖ ପରିଚାଳନା କରିଥିଲେ।