୨୦ ଲକ୍ଷ ଟଙ୍କା ରୁ ଉର୍ଦ୍ଧ୍ବ ମୂଲ୍ୟର ଗଞ୍ଜେଇ ଜବତ,ପିକଅପ ଭ୍ୟାନ ଜବତ ସହ ଡ୍ରାଇଭର ଗିରଫ

ବାଲିଗୁଡ଼ା ଅଞ୍ଚଳ ରୁ ଏକ ପିକଅପ ଭ୍ୟାନ ସାହାଯ୍ୟରେ ପ୍ରାୟ ୨୦ ଲକ୍ଷ ଟଙ୍କା ରୁ ଉର୍ଦ୍ଧ୍ବ ଗଞ୍ଜେଇ ରାଜ୍ୟ ବାହାର କୁ ଚାଲାଣ ହେଉ ଥିବା ଟିଟିଲାଗଡ ପୋଲିସ ଖବର ପାଇ ଗଞ୍ଜେଇ ସହ ଗାଡ଼ି ଜବତ କରିଥିବା ସୂଚନା ମିଳିଛି। ପ୍ରକାଶ ଯେ,ଟିଟିଲାଗଡ ଭାରପ୍ରାପ୍ତ ଥାନା ଅଧିକାରୀ ଅବନୀ ସାହୁ ବିଶ୍ଵସ୍ତ ସୂତ୍ରରୁ ଖବର ପାଇ ବେଲଗାଁ ଦେଇ ଏକ ପିକଅପ ଭ୍ୟାନ ଗାଡ଼ି ସଂଖ୍ୟା,OD-03-H-5394 ରେ ଗଞ୍ଜେଇଆସୁ ଥିବା ଜାଣି ସହର ରେ ନାକାବନ୍ଦୀ କରେଇ ଥିଲେ । ସେହି ଗାଡ଼ି କୁ ଫଲୋ କରି ଟିଟିଲାଗଡ ପୋଲିସ ଷ୍ଟେସନ ସାମ୍ନା ରେ ଠାବ କରି ସେଥିରୁ ପ୍ୟାକେଟ ହୋଇ ରହିଥିବା ୨୪୪ ପ୍ୟାକେଟ ଗଞ୍ଜେଇ ମାଜିଷ୍ଟେଟ ଙ୍କ ଉପସ୍ଥିତି ରେ ଜବତ କରାଯାଇଛି । ପ୍ରଭାତ ମୁନି ନାମକ ଜଣେ ବାଲିଗୁଡ଼ା ର ଡ୍ରାଇଭର ଗିରଫ ପରେ ସବୁ ଯୋଜନା ନେଇ ପୋଲିସ ସାମ୍ନା ରେ ପ୍ରକାଶ କରିଛି । ପଡୋଶୀ ରାଜ୍ୟ କୁ ଏହି ଗଞ୍ଜେଇ ଚାଲାଣ କରାଯିବା ଯୋଜନା ଥିବା ବେଳେ ସବିଶେଷ ତଦନ୍ତ ଜାରି ରହିଥିବା ପୋଲିସ ପ୍ରକାଶ କରିଛି । ଏହି ଜବତ ୨୪୪ ପ୍ୟାକେଟ ଗଞ୍ଜେଇ ର ଆନୁମାନିକ ମୂଲ୍ୟ ୨୦ ଲକ୍ଷ ରୁ ଉର୍ଦ୍ଧ୍ଵ ବୋଲି ସୂଚନା ଦିଆଯାଇଛି ।