ଭାଲୁ ଆକ୍ରମଣରେ ଯୁବକ ଗୁରୁତର । ମଈଁଷି ଖୋଜିବାକୁ ଯାଇ ଭାଲୁ ଆକ୍ରମଣର ଶିକାର ହୋଇଥିବା ଜଣାପଡ଼ିଛି । କନ୍ଧମାଳ ଜିଲ୍ଲା କ.ନୂଆଗାଁ ବନାଞ୍ଚଳର କୁଡୁତୁଲି ପଞ୍ଚାୟତର ଡକର ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ଭାଲୁ ଆକ୍ରମଣରେ ଗୁରୁତର ଯୁବକ ଅଖିଳ ପ୍ରଧାନୀ ବୟସ (୩୫)। ପରିବାର ଲୋକେ ଅଖିଳଙ୍କୁ ପ୍ରଥମେ କ.ନୂଆଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ, ପ୍ରାଥମିକ ଚୀକିତ୍ସା ପରେ ଡ଼ାକ୍ତର ତାଙ୍କୁ ଫୁଲବାଣୀ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରିଥିବା ଜଣାପଡ଼ିଛି । ସୂଚନା ପ୍ରକାରେ ଗତକାଲି ଡକରା ଗାଁ ର ଅଖିଳ ପ୍ରଧାନୀ ଗାଁ ନିକଟସ୍ଥ ଜଙ୍ଗଲକୁ ମଇଁଷି ଖୋଜିବାକୁ ଯାଇଥିଲେ । ସେହି ସମୟରେ ଏକ ଜଙ୍ଗଲି ଭାଲୁ ଅଖିଳଙ୍କୁ ହଠାତ୍ ଆକ୍ରମଣ କରିଥିଲା । ଆକ୍ରମଣ କରିବାରୁ ଜୀବନ ବିକଳରେ ସେ ଗାଁକୁ ଦୌଡ଼ି ପଳାଇଥିଲେ । ତାଙ୍କୁ ଦେଖି କିଛି ଲୋକ ଗାଁ ଲୋକଙ୍କୁ ଡାକି ଅଖିଳଙ୍କୁ ଉଦ୍ଧାର କରିଥିଲେ ଏବଂ ଡାକ୍ତରଖାନାକୁ ନେଇଥିଲେ । ସେପଟେ ବର୍ତ୍ତମାନ ସମୟରେ ଅଞ୍ଚଳର ଜଙ୍ଗଲରେ ଅନେକ ହିଂସ୍ର ଜୁବଜନ୍ତୁ ଅଛନ୍ତି, ଏଣୁ ସତର୍କତା ଅବଲମ୍ବନ କରିବା ପାଇଁ ଅଞ୍ଚଳବାସୀଙ୍କୁ ନିବେଦନ କରିଛି ବନବିଭାଗ । ଅନ୍ୟପଟେ ଭାଲୁ ଆକ୍ରମଣରେ ଆହତ ହୋଇଥିବା ବ୍ୟକ୍ତିଙ୍କୁ ଡାକ୍ତରୀ ରିପୋର୍ଟ ଅନୁଯାୟୀ ବିଭାଗ ପକ୍ଷରୁ ସହାୟତା ପ୍ରଦାନ କରାଯିବ ବୋଲି କହିଛନ୍ତି କ.ନୁଆଗାଁ ବନାଞ୍ଚଳ ଅଧିକାରୀ ରମାକାନ୍ତ କହଁର ।
Plugin Install : Subscribe Push Notification need OneSignal plugin to be installed.
