<h3>ଆଜି ସୁପର ସନଡେ'ରେ ହେବାକୁ ଯାଉଛି ସୁପର ଫାଇଟ । ଟି୨୦ ବିଶ୍ୱକପ ଆଜି ହେବ ହାଇଭୋଲଟେଜ ଟକ୍କର ।ଆଉ କିଛି ଘଂଟା ପରେ ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନକୁ ଭେଟିବ ଭାରତ । ରାତି ୮ଟାରେ ନ୍ୟୁୟର୍କର ନସାଉ କ୍ରିକେଟ ଷ୍ଟାଡିୟମରେ ହେବ ବିଗ ଫାଇଟ ।ଏହି ମ୍ୟାଚକୁ ନେଇ ସାରା ବିଶ୍ୱରେ ଉତ୍କଣ୍ଠା ଦେଖିବାକୁ ମିଳିଛି । ତେବେ ପାକିସ୍ତାନ ତାର ପ୍ରଥମ ମ୍ୟାଚରେ ଆୟୋଜକ ଆମେରିକାଠାରୁ ସୁପର ଓଭରରେ ପରାସ୍ତ ହୋଇସାରିଛି ।ଅନ୍ୟପଟେ ଭାରତ ତାର ପ୍ରଥମ ପ୍ରତିଦ୍ୱନ୍ଦୀ ଆୟର୍ଲାଣ୍ଡକୁ ୮ ୱିକେଟରେ ହରାଇ ବିଜୟୀ ହୋଇଛି ।ତେଣୁ ସୁପର୮କୁ ଯିବା ପାଇଁ ଭାରତକୁ ହରାଇବା ଲାଗି ପୁରା ଦମରେ ଲାଗିବ ପାକିସ୍ତାନ ।ଅନ୍ୟପଟେ ଫର୍ମରେ ଥିବା ଯୁବ ଖେଳାଳୀମାନଙ୍କୁ ନେଇ ଟିମ ଇଣ୍ଡିଆ ପାକିସ୍ତାନକୁ ମାତ ଦେବା ଲାଗି ପୁରା ପ୍ରସ୍ତୁତ ।ପୂର୍ବ ରେକର୍ଡକୁ ଦେଖିଲେ ଆଜିର ମ୍ୟାଚରେ ଭାରତର ପଲ୍ଲା ଭାରି ରହିବ ।ଉଭୟ ଦଳ ଟି୨୦ ବିଶ୍ୱକପରେ ପ୍ରରସ୍ପରକୁ ୭ ଥର ଭେଟିଛନ୍ତି ।ଏଥିରୁ ଭାରତ ୬ଟି ମ୍ୟାଚ ଜିତିଛି ।୨୦୨୨ ଟି୨୦ ବିଶ୍ୱକପରେ ପାକିସ୍ତାନ କଡା ଚ୍ୟାଲେଞ୍ଜ ଦେଇଥିଲା ।ତେବେ ବିରାଟ କୋହଲି ଅପରାଜିତ ରହି ଭାରତକୁ ଜିତାଇଥିଲେ ।</h3>
