<h3>ବିଜୟରୁ ଅଭିଯାନ ଆରମ୍ଭ କରିଛି ଭାରତ । ପ୍ରଥମ ମ୍ୟାଚରେ ଆୟରଲ୍ୟାଣ୍ଡ ବିପକ୍ଷରେ ଏକ ପାଖିଆ ବିଜୟ ହାସଲ କରିଛି ରୋହିତ ବାହିନୀ । ରୋହିତ ଶର୍ମାଙ୍କ ଅପରାଜିତ ୫୨ ରନ ଓ ରିଷଭ ପନ୍ଥଙ୍କ ଅପରାଜିତ ୩୬ ରନ ବଳରେ ଆୟର୍ଲାଣ୍ଡକୁ ୮ ୱିକେଟରେ ହରାଇଛି ଭାରତ । ଦଳ ମାତ୍ର ୨ ୱିକେଟ ହରାଇ୯୭ ରନର ବିଜୟ ଲକ୍ଷ୍ୟ ହାସଲ କରିନେଇଥିଲା । ତେବେ ମାତ୍ର ୨୨ ରନରେ ବିରାଟ କୋହଲିଙ୍କ ୱିକେଟ ହରାଇଥିଲା ଦଳ । ଏହାପରେ ରୋହିତ ଓ ରିଷଭ ପନ୍ଥଙ୍କ ଯୋଡି ଭାରତକୁ ବିଜୟ ଅଭିମୁଖେ ନେଇ ଯାଇଥିଲା । ହେଲେ ରୋହିତ ଆହତ ହୋଇ ପାଭିଲିୟନ ଫେରିବା ପରେ ସୁର୍ଯ୍ୟକୁମାର ଯାଦବ ବ୍ୟାଟିଂ ପାଇଁ ଆସିଥିଲେ । ହେଲେ ସେ ମାତ୍ର ୨ ରନ କରି ଆଉଟହୋଇଥିଲେ । ନ୍ୟୁୟର୍କର ନସାଉକାଉଂଟି ଆନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଖେଳା ଯାଇଥିବାଏହି ମ୍ୟାଚରେ ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତି ନେଇଥିବା ଭାରତ ଆୟର୍ଲାଣ୍ଡକୁ ମାତ୍ର ୯୬ ରନରେ ଅଲଆଉଟ କରିଥିଲା । ହାର୍ଦ୍ଦିକ ପାଣ୍ଡ୍ୟା ସର୍ବାଧିକ ୩ଟି ୱିକେଟ ନେଇଥିବାବେଳେ ଅର୍ଶଦୀପ ସିଂଏବଂ ଯଶପ୍ରୀତ ବୁମରା ୨ଟି ଲେଖାଏ ୱିକେଟ ନେଇଥିଲେ ।ଆୟର୍ଲାଣ୍ଡ ୧୬ ଓଭରରେ ୯୬ ରନ କରିବାରେ ସମର୍ଥ ହୋଇଥିଲା । ଆୟର୍ଲାଣ୍ଡର ଗାରେଥ ଡିଲେନି ସର୍ବାଧିକ ୨୬ ରନ କରିଥିଲେ ।</h3>
