ପୋଲିସ ହାବୁଡ଼ରେ ୧୩ ଜଣ ଡକାୟତ , ଜବତ ହୋଇଛି ବ୍ୟବହୃତ ମାରଣାସ୍ତ୍ର

ପୋଲିସ ପଞ୍ଝାରେ ୧୩ ଡକାୟତ ଗ୍ୟାଙ୍ଗ,ଜବତ ହୋଇଛି ଅନେକ ବ୍ୟବହୃତ ମାରଣାସ୍ତ୍ର । ନବରଙ୍ଗପୁର ପୋଲିସ ହାତରେ ଧରାପଡିଲେ ଡକାୟତ ଦଳ । ଏନେଇ ନବରଙ୍ଗପୁର ଏସ୍ ପି ରୋହିତ ବର୍ମା ଏକ ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି ।ସୂଚନା ଅନୁଯାୟୀ ଗତ ୧୪ ତାରିଖ ରାତିରେ ଡଙ୍ଗରଭେଜା ସ୍ଥିତ ସୁନୀଲ ସାହୁଙ୍କ ଘରେ ଭଡାରେ ଥିବା ରୋହିତ ବେହେରାଙ୍କ ଘରେ ଡକାୟତି ହୋଇଥିଲା । ପ୍ରାୟ ୭ ଲକ୍ଷ ଟଙ୍କାର ସୁନାଗହଣା ଲୁଟି ନେଇଥିବା ଅଭିଯୋଗ ହୋଇଥିଲା ଅଭିଯୋଗକୁ ଭିତ୍ତି କରି ନବରଙ୍ଗପୁର ଏସ୍ ପି ଏକ ଟିମ ଗଠନ କରି ଏହି ଡକାୟତ ଦଳକୁ ଧରିବାରେ ସଫଳ ହୋଇଛନ୍ତି । ଡକାୟତି କରିବା ସମୟରେ ଯେଉଁସବୁ ମାରଣାସ୍ତ୍ର ବ୍ୟବହୃତ ହୋଇଥିଲା ତାହାକୁ ଜବତ କରିବା ସହ ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବ ବୋଲି ଏସ୍ ପି ରୋହିତ ବର୍ମା କହିଛନ୍ତି । ପୋଲିସର ଏପରି କାର୍ୟ୍ୟକୁ ସାଧାରଣରେ ବେଶ ପ୍ରଶଂସା କରାଯାଇଛି ।