ବାଲିକୁଦାରେ ରାଜନୈତିକ ତୁମୁଳକାଣ୍ଡ।

ବାଲିକୁଦା: ରାଜ୍ୟରେ ଆରମ୍ଭ ହୋଇଯାଇଛି ନିର୍ବାଚନର ମହାନ ପର୍ବ l କିଛି କିଛି ଜାଗାରେ ନିର୍ଦ୍ଧିଷ୍ଟ ଗୋଷ୍ଠୀଙ୍କ ମଧ୍ୟ୍ୟରେ ଗଣ୍ଡଗୋଳ ଦେଖିବାକୁ ମିଳିଲାଣି l ଗାଁ ଗାଁ ରେ ଜମିଲାଣି ମଦ ମାଂସ ର ଆସର l ଏହାରି ଭିତରେ ବାଲିକୁଦା ଏରସମା ନିର୍ବାଚନ ମଣ୍ଡଳୀରେ ମଧ୍ୟ୍ୟ ବିଭିନ୍ନ ଘଟଣା ସବୁ ନଜର କୁ ଆସିଲାଣି l କାରଣ ଏହି ନିର୍ବାଚନ ମଣ୍ଡଳୀ ରେ 10ରୁ ଉର୍ଦ୍ଧ ପ୍ରାଥୀ ବିଧାନସଭା ପାଇଁ ନାମାଙ୍କନ ଭରିଥିବା ବେଳେ ୩ ପ୍ରମ୍ମୁଖ ଦଳ ସହିତ ଜଣେ ସ୍ୱାଧୀନ ପ୍ରାଥୀ ତାଳ ଦେଇ ଚାଲୁଥିବା ଦେଖିବାକୁ ମିଳିଛି l ଏହି ନିର୍ବାଚନ ମଣ୍ଡଳୀ ୩ ମୁଖି ନୁହେଁ ଚତୃମୁଖୀ ଲଢେ଼ଇ ହେବ ବୋଲି ଜଣା ପଡ଼ିଲାଣି l ଆଉ ଏହାରି ଭିତରେ ବାଲିକୁଦାରେ ଦେଖିବାକୁ ମିଳିଛି ରାଜନୈତିକ ହିଂସା l ମଦ ନିଶାରେ ତୁ…ତୁ ମେ…ମେ ରୁ ହୋଇଛି ଗଣ୍ଡଗୋଳ ଆଉ ଉଭୟ ପକ୍ଷରୁ ଥାନାରେ ପହଂଚି ଅଭିଯୋଗ କରିଛନ୍ତି l ପୋଲିସ ଉଭୟଙ୍କ ଅଭିଯୋଗକୁ ଆଧାର କରି ତଦନ୍ତ ଆରମ୍ଭ କରିଛି, ସର୍ବ ଶେଷରେ ବାଲିକୁଦାରେ ପୋଲିସ ପେଟ୍ରୋଲିଙ୍ଗ କଡା କଡ଼ି ହେବାପାଇଁ ସାଧାରଣରେ ମଧ୍ୟ ଦାବି ହେଉଛି l