<h3>ଆଗକୁ ପୁରୀରେ ସାଧାରଣ ନିର୍ବାଚନ ଥିବା ବେଳେ କିଛି ଦିନ ହେବ ପୁରୀ ସହର ରେ ଅପରାଧିକ କାର୍ଯ୍ୟ ବୃଦ୍ଧି ପାଉଥିବା ଦେଖିବାକୁ ମିଳୁଛି । କିଛି ଦିନ ହେବ କେଉଁଠି ଏସିଡ ମାଡ ହେଉଛି ତ ପୁଣି କେତେବେଳେ ବିଧାୟକ ପ୍ରାର୍ଥୀଙ୍କୁ ଆକ୍ରମଣ ହେଉଛି । ତେବେ ସମୁଦ୍ରକୂଳ ଥାନା ଅନ୍ତର୍ଗତ ଶ୍ରୀକ୍ଷେତ୍ର କୋଲନୀ ର ମିଶ୍ର କଲୋନୀ ଲେନରେ ବୋମା ବିଷ୍ପରଣ ହୋଇଛି । ବୋମା ବିସ୍ଫୋରଣରେ ଜଣେ ବ୍ୟକ୍ତି ଗୁରୁତ୍ୱର ଆହତ ହୋଇଥିବା ବେଳେ ଅନ୍ୟଜଣେ ସାମନ୍ୟ ଆହାତ ହେଇଥିବା ଜଣାପଡିଛି । ଗୁରୁତର ଆହତ ହୋଇଥିବା ବ୍ୟକ୍ତି ଜଣଙ୍କ ମାର୍କଣ୍ଡଶ୍ୱର ସାହିର ନିତାଇ ଚରଣ ନାୟକ ଏବଂ ଅନ୍ୟଜଣେ ହେଉଛି କୁମ୍ଭାରପଡା ଥାନା ଅନ୍ତର୍ଗତ ନରେନ୍ଦ୍ରକୋଣ ଅଞ୍ଚଳର ବିକି ନାୟକ । ତେବେ ପୋଲିସ ବୋମା ବିସ୍ଫୋରଣର ମୁଖ୍ୟ ଖଳନାୟକ ଆହତ ବିକି ନାୟକକୁ ଗିରଫ କରି ପଚରାଉଚରା କରିବା ସହ ତଦନ୍ତ ଆରମ୍ଭ କରିଛି । ପୋଲିସର ସୂଚନା ଅନୁଯାୟୀ ଗୁରୁବାର ବିକି ନାୟକ ଶ୍ରୀକ୍ଷେତ୍ର କଲୋନୀ ମିଶ୍ର ଲେନ୍ ଠାରେ ତାର ସାଙ୍ଗ ନିତାଇ ଚରଣ ନାୟକ ସହ ଠିଆ ହୋଇଥିଲା । ଏହି ସମୟରେ ବିକି ହାତରେ ହାତ ତିଆରୀ ବୋମା ଧରିଥିଲା । ହତାଟ ବୋମା ଟି ବିସ୍ଫରଣ ହୋଇଥିଲା । ଯାହାଫଳରେ ନିତାଇଏବଂ ବିକି ମଧ୍ୟ ଆହାତ ହୋଇଥିଲା । ଦୁଇଜଣଙ୍କ ଚିିକିତ୍ସା ପାଇଁ ସଦରମୁଖ୍ୟ ଚିକିତ୍ସାଳରେ ଭତ୍ତି କରାଯାଇଥିଲା । ତେବେ ପୋଲିସ ବିକି କୁ ଥାନାକୁ ନେଇ ପଚରା ଉଚରା କରିବା ସହ ଏକ ମାମଲା ରୁଜୁ କର ତଦନ୍ତ ଆରମ୍ଭ କରିଛି ।</h3>
