ନିର୍ବାଚନ କାମ ସାରି ଫେରିବା ବାଟରେ ଜଗି ବସିଥିଲା ଯମ, ବସ ଦୁର୍ଘଟଣାରେ ଶିକ୍ଷକଙ୍କ ମୃତ୍ୟୁ

ମାଲକାନଗିରି: ନିର୍ବାଚନ କାମ ସାରି ଫେରିବାବେଳେ ବସ ଦୁର୍ଘଟଣାରେ ଶିକ୍ଷକଙ୍କ ମୃତ୍ୟୁ | ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ତମଗୁଡା ଠାରେ ବସ୍ – ବାଇକ ମୁହାଁମୁହିଁ ଧକ୍କାରେ ବଣ୍ତାଘାଟି ବନ୍ଧଗୁଡା ବିଦ୍ୟାଳୟର ପ୍ରଧାନଶିକ୍ଷକ ଇନ୍ଧ୍ରଜିତ କିର୍ଷାନିଙ୍କ ମୃତ୍ୟୁ ଘଟିଛି। ମାଲକାନଗିରି ର ଶିଖପାଲି ର କୁଶବେଡା ବିଦ୍ୟାଳୟରେ ପ୍ରିଜାଡିଙ୍ଗ ଅଫିସର ଭାବେ ନିୟୋଜିତ ହୋଇଥିଲ ସେ । ନିଜର ନିର୍ବାଚନ କାର୍ୟ୍ୟ ସଠିକ ତୁଲାଇ ଆଜି ସକାଳେ ଘରକୁ ଫେରୁଥିଲେ । ଏତିକି ବେଳେ ହଠାତ୍ ପ୍ରଧାନଶିକ୍ଷକ ଇନ୍ଧ୍ରଜିତ କିର୍ଷାନୀଙ୍କୁ ସମ୍ମୁଖରେ ଆସୁଥିବା ବସ୍ ମୁହାଁମୁହିଁ ଧକ୍କା ଦେଇଥିଲା । ଘଟଣାସ୍ଥଳରୁ ତାଙ୍କୁ ଉଦ୍ଧାର କରି ମାଥିଲି ସବଡିଭିଜନ ମେଡିକାଲରେ ଆଣିଥିଲେ ଗ୍ରାମବାସୀ । କିନ୍ତୁ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଏହି ଘଟଣା ପରେ ସ୍ଥାନୀୟ ଅଂଚଳରେ ଶୋକାକୂଳ ପରିବେଷ ସୃଷ୍ଟି ହୋଇଛି ।