ବିଜେଡ଼ି ପାଇଁ ତଳସରାରେ ପାଣ୍ଡିଆନଙ୍କ ହାଇଭଲଟେଜ କ୍ୟାମ୍ପେନ

ଗତ କାଲି ଅପରାହ୍ନରେ ସବ ଡେଗାରେ ବିଜେଡି ଦଳ ପାଇଁ ହେଭିୱେଟ ପ୍ରଚାରକ ଭି କେ ପାଣ୍ଡିଆନ ତଳସରା ବିଧାୟକ ପ୍ରାର୍ଥୀ ବିନୟ କୁମାର ଟପ୍ପୋ ଓ ଲୋକସଭା ପ୍ରାର୍ଥୀ ଦିଲିପ ତିର୍କିଙ୍କ ପାଇଁ ହେଲିକପ୍ଟର ଯୋଗେ ଆସି ପ୍ରଚାର କରିଛନ୍ତି । ପ୍ରଚାର ଆରମ୍ଭ କରିବା ପୂର୍ବରୁ ଦଳୀୟ କର୍ମୀ ଓ ଉପସ୍ଥିତ ଜନତାଙ୍କ ସହ କର ମର୍ଦନ କରିବା ସହ ଶଙ୍ଖ ପାଇଁ ନାରା ଦେଇଥିଲେ । ତେବେ ମଞ୍ଚ ଉପରେ ସେ ବିନୟ ଟପ୍ପୋ ଓ ଦିଲ୍ଲିପ ତିର୍କିଙ୍କ ପାଇଁ ଭୋଟ ମାଗିଥିଲେ ଓ ଲୋକଙ୍କ ଆଶୀର୍ବାଦ ଭିକ୍ଷା କରିଥିଲେ । ତଳସରାର ବିକାଶ ପାଇଁ ବିନୟଙ୍କୁ ଜିତାଇବା ଓ ଜିଲ୍ଲାର ବିକାଶ ପାଇଁ ଦିଲ୍ଲିପଙ୍କୁ ଜିତାଇବା ନେଇ ସେ ଲୋକଙ୍କ ନିକଟରେ ନେହୁରା ହୋଇଥିଲେ । ବିଜେଡି ସରକାର ଓ ମାନ୍ୟବର ମୁଖ୍ୟମନ୍ତ୍ରୀ କଥାରେ ନୁହେଁ, କାମରେ ବିଶ୍ୱାସ କରନ୍ତି ଓ ତାର ଜ୍ୱଳନ୍ତ ଉଦାହରଣ ଭାବେ ସୁନ୍ଦରଗଡ଼ ଜିଲ୍ଲାରେ ହୋଇଥିବା ହକି ଷ୍ଟାଡିୟମ୍ ଠାରୁ ଆରମ୍ଭ କରି ଅନ୍ୟାନ୍ୟ ବିକାଶ ମୂଳକ କାର୍ୟ୍ୟର ତାଲିକା ସେ ଲୋକଙ୍କ ନିକଟରେ ଉପସ୍ଥାପନ କରିଥିଲେ । ଏହାସହ ଆଗାମୀ ଦିନ ପାଇଁ ମାନ୍ୟବର ମୁଖ୍ୟମନ୍ତ୍ରୀ ନେଉଥିବା ସଂସ୍କାର ଓ ଉନ୍ନତି ମୂଳକ ଯୋଜନା ସମ୍ପର୍କରେ ସୂଚନା ଦେଇଥିଲେ ।ତେବେ ଭି କେ ପାଣ୍ଡିଆନଙ୍କ ଏହି ପ୍ରଚାର ବିଜେଡ଼ିକୁ ପୂର୍ଣ୍ଣ ସଫଳତା ଦେବ ବୋଲି ତଳସରା ବିଧାୟକ ପ୍ରାର୍ଥୀ ବିନୟ କୁମାର ଟପ୍ପୋ କହିଛନ୍ତି ।