<h3>ଅନୁଗୁଳ, ୦୮/୦୫/୨୪: ଅନୁଗୁଳ ଟାଉନ ଥାନା ଅନ୍ତର୍ଗତ ତାମ୍ରିତ କଲୋନୀ ଅଞ୍ଚଳରେ ଥିବା କ୍ରିଏଟିଭ ଟେକ୍ନୋ କଲେଜର ହଷ୍ଟେଲରୁ ଜଣେ ଛାତ୍ରୀଙ୍କ ମୃତ ଦେହ ଉଦ୍ଧାର ହୋଇଛି। ସୂଚନା ଯେ, ରାଇଝରଣ ଅଞ୍ଚଳର ସନ୍ତୋଷ ସାହୁଙ୍କ ଝିଅ ଜସ୍ମିନ ସାହୁ (ବୟସ ୧୯) କ୍ରିଏଟିଭ ଟେକ୍ନୋ କଲେଜରେ ଈଉଇ ର ଦ୍ଵିତୀୟ ବର୍ଷର ଛାତ୍ରୀ ଥିଲେ। ଗତ କାଲି ସେ ଘରକୁ ଯାଇ ସନ୍ଧ୍ୟା ୬ରେ ଜସ୍ମିନ ହଷ୍ଟେଲକୁ ଫେରିଥିଲେ। ହଷ୍ଟେଲ କତୃପକ୍ଷ ତାଙ୍କୁ ପ୍ରତାରଣା କରିଥିବାରୁ ରାତି ୮ ଟା ରେ ଜସ୍ମିନ ତାଙ୍କ ବାପାଙ୍କୁ ଫୋନ ଯୋଗେ କହିଥିବା ଉଲ୍ଲେଖ ହୋଇଛି । ସୋମବାର ସକାଳେ ଆଠଟା ବେଳେ କଲେଜ କତୃପକ୍ଷ ଜସ୍ମିନଙ୍କ ବାପାଙ୍କୁ ଫୋନ କରି କହିଲେ କି ତମ ଝିଅ ରୁମ୍ ର କବାଟ ଖୋଲୁ ନାହିଁ କି ଯେତେ ଡାକିଲେ ଶୁଣୁ ନାହିଁ। ଯାହା ଫଳରେ ଜସ୍ମିନଙ୍କ ପରିବାର ଲୋକ ହଷ୍ଟେଲକୁ ଆସିଥିଲେ। ପରେ ପରିବାର ଲୋକ ଆସିବା ପରେ ପୋଲିସକୁ ଖବର ଦେଇଥିଲେ । ପୋଲିସ ଏବଂ ପରିବାର ଲୋକ ଉପସ୍ଥିତିରେ କଲେଜ କତୃପକ୍ଷ କବାଟକୁ ଭାଙ୍ଗି ଥିଲେ। କବାଟ ଭାଙ୍ଗିବା ପରେ ଦେଖିଲେ ଯେ ଜସ୍ମିନ ର ମୃତ ଦେହ ଏକ କପଡା ସାହାଯ୍ୟରେ ଝୁଲି ରହିଛି। ଏହା ଦେଖି ପୋଲିସ ଜସ୍ମିନର ମୃତ ଦେହ କୁ ଜବତ କରିବା ସହ ସାଇଣ୍ଟିଫିକ୍ ଟିମ୍ ପହଁଚି ତଦନ୍ତ ଆରମ୍ଭ କରିଛି । ମୃତ ପରିବାର ପକ୍ଷରୁ ଅନୁଗୁଳ ଥାନାରେ ଅଭିଯୋଗ ହୋଇଛି କି ତାଙ୍କ ଝିଅ ଆତ୍ମହତ୍ୟା କରିନାହିଁ ତାକୁ ହତ୍ୟା କରାଯାଇଛି। ଏନେଇ ପୋଲିସ ଅଧିକ ତଦନ୍ତ ଆରମ୍ଭ କରିଛି।</h3>
