ନାମାଙ୍କନ ଦାଖଲ କରିବେ ବହୁ ହେଭିଓ୍ବେଟ୍ ନେତା

ଆଜି ନାମାଙ୍କନ ଦାଖଲ କରିବେ ବହୁ ହେବିଓ୍ବେଟ୍ ନେତା । ଭୁନେଶ୍ବରରୁ ବିଜେଡି ଲୋକସଭାପ୍ରାର୍ଥୀ ମନ୍ମଥ ରାଉତରାୟ, ଏବଂ ପୁରୀ ଲୋକସଭା ପ୍ରାର୍ଥୀ ଅରୁପ ପଟ୍ଟନାୟକ ନିଜର ନାମାଙ୍କନ ପତ୍ର ଦାଖଲ କରିବା ସହିତ ସେପଟେ କନ୍ଧମାଳରୁ ବିଜେଡି ପାଇଁ ଲୋକସଭା ପ୍ରାର୍ଥି ହୋଇଥିବା ଅଚ୍ୟୁତ ସାମନ୍ତ ମଧ୍ୟ ନିଜର ନାମାଙ୍କନପତ୍ର ଦାଖଲ କରିବେ । ସେହିଭଳି ବିଜେପି ଭୁବନେଶ୍ବରରୁ ଲୋକସଭା ପାଇଁ ପ୍ରାର୍ଥି ହୋଇଥିବା ଅପରାଜିତା ସଡଙ୍ଗୀ ଏବଂ ସେପଟେ ସମ୍ବଲପୁର ଲୋକସଭା ପ୍ରାର୍ଥୀ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ନିଜର ନାମାଙ୍କନ ପତ୍ର ଦାଖଲ କରିବେ । ତେବେ ମହାପ୍ରଭୁ ଲିଙ୍ଗରାଜଙ୍କ ଦର୍ଶନ କରି ପ୍ରଭୁଙ୍କ ଆଶ୍ରୀବାଦ ଲୋଡିଥିଲେ ମନ୍ମଥ । ସେହିଭଳି ଫୁଲବାଣୀ ଜଗନ୍ନାଥ ମନ୍ଦିରରେ ପୂଜାର୍ଚ୍ଚନା ପରେ ସମର୍ଥକଙ୍କ ସହ ନାମାଙ୍କନ କରିବା ପାଇଁ ବାହାରିବେ ଅଚ୍ୟୁତ । ସେହିଭଳି ମା ସମଲେଇଙ୍କ ଦର୍ଶନ କରିବା ପରେ ନିଜର ନାମାଙ୍କନ ଭରିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।