<h3>ସୁବର୍ଣ୍ଣପୁର,୦୧/୦୫/୨୪: ସୁବର୍ଣ୍ଣପୁର ସହରର ବ୍ଲକ ଛକରେ ପୁଣି ଦୁର୍ଘଟଣା | ବାଇକକୁ ଚାପି ଦେଲା ଟ୍ରକ୍ । ଅଳ୍ପକେ ବର୍ତ୍ତିଲେ ବାଇକ୍ ଆରୋହୀ । ସାମାନ୍ୟ ଆଘାତ ଲାଗିଥିବାରୁ ତାଙ୍କୁ ଡାକ୍ତରଖାନାରେ ପ୍ରଥମିକ ଚିକିତ୍ସା ନିମନ୍ତେ ଭର୍ତ୍ତି କରାଯାଇଥିଲା । ବାଇକ୍ ଆରୋହୀ ଜଣକ ଗୋକର୍ଣେଶ୍ବରପଡ଼ାର ରମାକାନ୍ତ ବାବୁ ବୋଲି ଜଣା ପଡିଛି। ସୂଚନା ଅନୁସାରେ ବଲାଙ୍ଗିର ରୁ ଏକ ଗ୍ୟାସ ସିଲିଣ୍ଡର ବୋଝେଇ ଟ୍ରକ ଆସୁଥିବାବେଳେ ବ୍ଲକ ଛକ ନିକଟରେ ଥିବା ଏକ ଦୋକାନରୁ ବାଇକ୍ ଯୋଗେ ରମାକାନ୍ତ ବାହାରୁଥିଲେ ଠିକ୍ ସେତିକିବେଳେ ଟ୍ରକ୍ ଟି ଭାରସାମ୍ୟ ହରାଇ ବାଇକକୁ ପିଟି ଦେଇଥିଲା ଯାହା ଫଳରେ ବାଇକ୍ ଆରୋହୀ ଜଣକ ଛିଟିକି କି ପଡିଯାଇଥିଲେ । ସେ ସାମାନ୍ୟ ଆହତ ହୋଇଥିଲେ ହେଁ ମରଣ ମୁହଁରୁ ଅଳ୍ପକେ ବର୍ତ୍ତି ଯାଇଥିଲେ। ଟ୍ରକ ଟି ବାଇକ କୁ ଦଳି ଦେଇଥିଲା । କିଛି ସମୟ ପାଇଁ ବ୍ଲକ ଛକରେ ସାଧାରଣ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ସୋନପୁର ପୋଲିସ ଘଟଣା ସ୍ଥଳରେ ପହଞ୍ଚି ଗାଡ଼ିକୁ ଅଟକ ରଖିଛି । ତେବେ ଏହି ସ୍ଥାନରେ ଚାରି ମାସ ତଳେ ଏକ ହାଇୱା ଚପାରେ ବାପ ପୁଅଙ୍କ ମୃତ୍ୟୁ ହୋଇଥିଲା</h3>
