ଜୁଆ ଆଡ୍ଡା ଉପରେ ଚଢାଉ

ଜଳେଶ୍ଵର ପୋଲିସର ଜୁଆ ଆଡ୍ଡା ଉପରେ ବଡ଼ ଧରଣ ରେଡ । ସୂଚନା ମୁତାବକ ଜଳେଶ୍ଵର ଥାନା ଅନ୍ତର୍ଗତ ରାଜପୁର ଓ ଝାଡେଶ୍ୱରପୁର ଅଞ୍ଚଳ ସୁବର୍ଣ୍ଣରେଖା ନଦୀ କୂଳରେ ଲକ୍ଷ୍ୟାଧିକ ଟଙ୍କାର ଜୁଆ ଦୀର୍ଘ ଦିନ ଧରି ଖେଳ ହେଉଥିଲା। ଖବର ପାଇ ଜଳେଶ୍ୱର ପୋଲିସ ଏକ ସ୍ୱତନ୍ତ୍ର ଟିମ ପ୍ରସ୍ତୁତ କରି ଗତ କାଲି ରାତି ପ୍ରାୟ ୧୦ ଟା ରେ ଏହି ଜୁଆ ଆଡ୍ଡାକୁ ଘେରି ଯାଇଥିଲେ । ରେଡ ବେଳେ ଚାରି ଜଣକୁ ଗିରଫ କରିଛି ପୋଲିସ। ସେମାନଙ୍କ ପାଖରୁ ୧୮ହଜାର ଟଙ୍କା ସହ ୮ଟା ବାଇକ ୪ ଟି ମୋବାଇଲ ଜବତ ହୋଇଛି । ଆଉ କିଛି ଜୁଆ ଆଡ୍ଡାର ସଦସ୍ୟ ଘଟଣା ସ୍ଥଳରୁ ଖସି ପଳାଇ ଯାଇଥିବା ସୂଚନା ମିଳିଛି। ସେପଟେ ଜଳେଶ୍ୱର ଆଇ ଆଇ ସି ରଞ୍ଜନ କୁମାର ସେଠି କହିଛନ୍ତି ଏହି ରେଡ଼ ଆଗକୁ ଜାରି ରହିବ ।