ଓଡିଶାରେ ରାହୁଲ

ବ୍ୟୁରୋ: ପୂର୍ବ ଓଡ଼ିଶା ଗସ୍ତରେ କଂଗ୍ରେସ ସାଂସଦ ରାହୁଲ ଗାନ୍ଧୀ । ଭୁବନେଶ୍ବରରେ ପହଞ୍ଚି ହେଲିକପ୍ଟର ଯୋଗେ ସାଲେପୁର ଗସ୍ତ କରିଛନ୍ତି । ସାଲେପୁରରେ ସାଧାରଣସଭାକୁ ସମ୍ବୋଧନ କରିବେ ରାହୁଲ । ସଭାରେ ୪ଟି ଲୋକସଭା ଆସନ- କଟକ, କେନ୍ଦ୍ରାପଡ଼ା, ଯାଜପୁର ଓ ଜଗତସିଂହପୁର ଏବଂ ୨୮ଟି ବିଧାନସଭା ନିର୍ବାଚନମଣ୍ଡଳୀରୁ କଂଗ୍ରେସ କର୍ମୀ ଓ ସମର୍ଥକ ଯୋଗ ଦେଇଛନ୍ତି । ୨୦୨୪ ନିର୍ବାଚନ ପାଇଁ କଂଗ୍ରେସ କର୍ମୀ ଓ ନେତାଙ୍କୁ ରାହୁଲ ଦେବେ ଗୁରୁମନ୍ତ୍ର । ୨ଟା ୧୫ରେ ଭୁବନେଶ୍ୱର ଫେରିଆସିବେ । ସେପଟେ ଆଜି ସାଢେ ୪ଟାରେ ଭୁବନେଶ୍ୱର ବିମାନ ବନ୍ଦରରେ ପହଁଞ୍ଚିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା । ଆଜି ଏହି ଦୁଇ ହେଭିୱେଟ ନେତା ନିଜ ନିଜ ଦଳପାଇଁ କ୍ୟାଂପେନ ଚଳାଇବେ । ଜେ.ପି. ନଡ୍ଡା ପହଞ୍ଚିବାର କାର୍ୟ୍ୟକ୍ରମ ରହିଛି। ଭୁବନେଶ୍ୱର ପହଞ୍ଚି ପରେ ନଡ୍ଡା ସିଧା ସଳଖ ସ୍ୱତନ୍ତ୍ର ବିମାନରେ ବ୍ରହ୍ମପୁର ରଙ୍ଗେଇଲୁଣ୍ଡା ଏୟାରଷ୍ଟ୍ରିପ ଯିବେ। ସାଢେ ୫ଟାରେ ଆମ୍ବପୁଆ ଠାରେ ସାଧାରଣ ସଭାରେ ଯୋଗ ଦେବେ ନଡ୍ଡା। ପରେ ସଂଧ୍ୟା ୬ଟା ୪୫ରେ କାର୍ୟ୍ୟକର୍ତ୍ତା ବୈଠକରେ ଯୋଗ ଦେବାର କାର୍ୟ୍ୟକ୍ରମ ରହିଛି । ଏହି ବୈଠକରେ ବ୍ରହ୍ମପୁର, ଆସ୍କା, ନବରଙ୍ଗପୁର ଓ କୋରାପୁଟର କାର୍ୟ୍ୟକର୍ତ୍ତା ମାନେ ଯୋଗ ଦେବେ । ତେବେ ନଡ୍ଡା ବ୍ରହ୍ମପୁରରେ ରାତ୍ରି ରହଣୀ କରି ପର ଦିନ ସକାଳେ ଦିଲ୍ଲୀ ଫେରିବା କାର୍ୟ୍ୟକ୍ରମ ରହିଛି ।