ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ମଇଦାନକୁ ଓହ୍ଲାଇବେ ବିପ୍ଳବ ନନ୍ଦ

ଚୌଦ୍ୱାର,୨୭/୦୪/୨୪: ଆଗାମୀ ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ଭୋଟରଙ୍କ ଠାରୁ ଆରମ୍ଭ କରି ପ୍ରାର୍ଥୀଙ୍କ ମନ ଭିତରେ ସେତିକି ଉତ୍କଣ୍ଠା ବଢ଼ିବଢ଼ି ଚାଲିଛି । ଚୌଦ୍ଵାର କଟକ ନିର୍ବାଚନ ମଣ୍ଡଳୀରୁ ବିଜେପି, ବିଜେଡି, କଂଗ୍ରେସ ଏବଂ ଆପ୍ ଦଳ ତରଫରୁ ବହୁ ଆଗରୁ ବିଧାୟକ ପ୍ରାର୍ଥୀ ଘୋଷଣା ହୋଇସାରିଥିବା ବେଳେ ସ୍ବାଧିନ ପ୍ରାର୍ଥୀ ଭାବେ ବିପ୍ଳବ ନନ୍ଦ ମଇଦାନକୁ ଓହ୍ଲାଇଛନ୍ତି । ଏହି ଅବସରରେ କଲେଜ୍ ଛକସ୍ଥିତ ପଟରାସାହି ନିବାସୀ ବିପ୍ଳବ ନନ୍ଦ ନିଜ ବାସଭବନରେ ଏକ ସାମ୍ବାଦିକ ସମ୍ମିଳନୀ ଜରିଆରେ ସ୍ଵାଧୀନ ବିଧାୟକ ପ୍ରାର୍ଥୀ ଭାବେ ଲଢ଼ିବେ ବୋଲି ଘୋଷଣା କରିଛନ୍ତି । ଶିକ୍ଷା, ସ୍ଵାସ୍ଥ୍ୟ ଓ ଜନସାଧାରଣଙ୍କର ମୌଳିକ ସମସ୍ୟାକୁ ନେଇ ସେ ଭୋଟରଙ୍କ ପାଖକୁ ଯାଇ ଭୋଟ ମାଗିବେ ଓ ଚୌଦ୍ଵାର କିଭଳି ଅବହେଳିତ ଅବସ୍ଥାରେ ଅଛି ସେ କଥା ସେ ଆଗ ଦେଖିବେ ବୋଲି ଶ୍ରୀ ବିଳ୍ପବ ତାଙ୍କ ପ୍ରତିକ୍ରିୟାରେ କହିଛନ୍ତି ।