ସମୁଦ୍ରକୂଳରେ ରକ୍ତାକ୍ତ ଅବସ୍ଥାରେ ମୃତ ଶରୀର ଠାବ

ଅସ୍ତରଙ୍ଗ: ଅସ୍ତରଙ୍ଗ ଗୁଣ୍ଡଳବା ସମୁଦ୍ର କୂଳ ରେ ରକ୍ତାତ ଅବସ୍ଥା ରେ ଏକ ମୃତ ଶରୀର ଠାବ ହୋଇଛି l ଗ୍ରାମବାସୀ ମାନେ ଏହି ଶରୀର ଦେଖି ଜାଣିବାକୁ ପାଇଥିଲେ ଉକ୍ତ ଲୋକ ନିକଟ ଆଇଁସିଣିଆ ଗ୍ରାମ ର ରାଧୁ ସ୍ୱାଇଁ l ମୃତ ଅବସ୍ଥା ରେ ସମୁଦ୍ର କୂଳ ରେ ପଡିରହିଥିଲା l ଆଉ ଶରୀର ର ବିଭିନ୍ନ ସ୍ଥାନ ରୁ ରକ୍ତସ୍ରାବ ହେଉଥିବା ର ଦେଖିବାକୁ ମିଳିଛି l ଯାହାକୁ ନେଇ ପରିବାର ଲୋକ ହତ୍ୟା ଅଭିଯୋଗ ଆଣିଛନ୍ତି l ସୂଚନା ମୁତାବକ ଉକ୍ତ ବ୍ୟକ୍ତି ଗତକାଲି ସନ୍ଧ୍ୟା ରେ ଘରୁ ଜଙ୍ଗଲ କୁ କାଠ ଆଣିବା ପାଇଁ କୁରାଢ଼ୀ ଧରି ଆସିଥିଲେ l ଆଉ ରାତିରେ ଘରକୁ ଫେରି ନଥିଲେ l ଯାହାକି ଫଳରେ ଘର ଲୋକ ବିଭିନ୍ନ ସ୍ଥାନ ରେ ଖୋଜାଖୋଜି କରିଥିଲେ l ସକାଳୁ କିଛି ଲୋକ ତାଙ୍କ ଘର ଲୋକ ଙ୍କୁ ଏହି ସଂକ୍ରାନ୍ତ ରେ ସୂଚନା ଦେଇଥିଲେ l ଘଟଣା ସ୍ଥଳରେ ଗ୍ରାମବାସୀ ରୁଣ୍ଡ ହୋଇଛନ୍ତି l ଅସ୍ତରଙ୍ଗ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି l ପରିବାର ଲୋକ ଙ୍କ ତରଫରୁ ଏକ ଏତଲା ମଧ୍ୟ କରାଯାଇଛି l ସ୍ଥାନୀୟ ସରପଞ୍ଚ ଅଭିଯୋଗ ଆଣିଛନ୍ତି ଏହା ଏକ ହତ୍ୟା l ଆଉ ଏହାର ଉଚ୍ଚସ୍ତରୀୟ ତଦନ୍ତ ହୋଇ ସତ୍ୟାସତ୍ୟ ସାମ୍ନା କୁ ଆସୁ l ଏ ସଂକ୍ରାନ୍ତ ରେ ମୃତକ ଙ୍କ ଘର ଲୋକ ଙ୍କ ତରଫରୁ ଜଙ୍ଗଲ ବିଭାଗ ନାମ ରେ ଏତଲା କରାଯାଇଛି l ଏ ବାବଦରେ ଜଙ୍ଗଲ ବିଭାଗ ର ପ୍ରତିକ୍ରିୟା ଆଣିବାକୁ ଆମ ପ୍ରତିନିଧି ପ୍ରୟାସ କରିଥିଲେ କିନ୍ତୁ ସ୍ଥାନୀୟ ବିଭାଗୀୟ ଅଧିକାରୀ ଏ ସଂକ୍ରାନ୍ତ ରେ କୌଣସି ମତାମତ ଦେଇନଥିଲେ l ଏବେ ଘଟଣା ର ସଠିକ ତଦନ୍ତ ପରେ ସତ୍ୟାସତ୍ୟ ସାମ୍ନା କୁ ଆସିବ ବୋଲି ମୃତକ ଙ୍କ ପରିବାର ଲୋକ ଆଶା ରଖିଛନ୍ତି l