ଆଇପିଏଲ ଖେଳିବେ ଓଡିଆ ପୁଅ: ବିସିସିଆଇକୁ ୬ଖେଳାଳିଙ୍କ ନାଁ ସୁପାରିଶ କଲା ଓସିଏ

ଚଳିତବର୍ଷର ଆଇପିଏଲରେ ଦେଖିବାକୁ ମିଳିପାରେ ଓଡିଆ ଖେଳାଳିଙ୍କ ପତିଆରା । ଚମକିବେ ଓଡିଆ ଖେଳାଳି । ଚଳିତବର୍ଷ ହେବାକୁ ଥିବା ଆଇପିଏଲ ନିଲାମୀରେ ସାମିଲ ପାଇଁ ୬ଜଣ ଓଡିଆ ଖେଳାଳି ମନୋନୀତ ହୋଇଛନ୍ତି । ଏହି ୬ଜଣ ଖେଳାଳି ହେଲେ ଶୁଂଭ୍ରାଶୁ ସେନାପତି, ରାଜେଶ ଧୂପର, ରାଜେଶ ମହାନ୍ତି, ପପୁ ଧୂପର, ଗୌରବ ଚୌଧୁରୀ ଓ ତାରିଣୀ ସା । ଏନେଇ ଓସିଏ କାର୍ଯ୍ୟନିବାହୀ ଅଧିକାରୀ ସୁବ୍ରତ ବେହେରା ସୂଚନା ଦେଇଛନ୍ତି । ସେ କହିଛନ୍ତି ଯେ, ଏହି ୬ଜଣଙ୍କ ପ୍ରଦର୍ଶନ ବେଶ ଭଲ ରହିଛି । ଆସନ୍ତା ଆଇପିଏଲରେ କିଛି ଓଡିଆ ଖେଳାଳି ସ୍ଥାନ ପାଇବା ନେଇ ଆଶା କରାଯାଉଛି । ଏହି ଖେଳାଳି ମାନେ ପ୍ରଥମେ ଆଇପିଏଲ ନିଲାମ ପୂର୍ବରୁ ହୋଇଥିବା ଟ୍ରାଏଲରେ ଭାଗ ନେବେ ବୋଲି କୁହାଯାଉଛି । ଟ୍ରାଏଲରେ ଭଲ କଲେ ବିସିସିଆଈ ସେମାନଙ୍କ ନାଁ ନିଲାମ ତାଲିକାରେ ପ୍ରକାଶ କରିପାରେ ।