ଓଡିଆ ଭାଷାକୁ ନେଇ ଭର୍ତ୍ତୃହରିଙ୍କ ଟାର୍ଗେଟ

କଟକ: ଓଡ଼ିଆ ଭାଷାକୁ ପଢିଲେ ଓଡ଼ିଆ ଅସ୍ମିତା ପ୍ରତିଷ୍ଠା ହୁଏ ନାହିଁ କହିଛନ୍ତି ଭର୍ତ୍ତୃହରି । ଯିଏ ବ୍ୟବସାୟ କରୁଛି ସିଏ ବ୍ୟବସାୟ କରୁ, ଯିଏ ରାଜନୀତି କରୁଛି ସିଏ ରାଜନୀତି କରୁ ହେଲେ ରାଜନୀତିକୁ ବ୍ୟବହାର କରି ଯିଏ ତାଙ୍କର ସମ୍ପତି ବଢ଼ାଇବା ପାଇଁ ଚାହିଁବ ସେ କେବେ ସଫଳ ହେବ ନାହିଁ । ଏବଂ ଆଜି ବିଜେପି ସଂକଳ୍ପ ନେଇଛି ନରେନ୍ଦ୍ର ମୋଦି ଙ୍କୁ ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ କରିବ ଓ ଓଡ଼ିଶାରେ ବିଜେପି ସରକାର ଗଠନ କରିବ ବୋଲି ଆଜି ବିଜେପିର ପ୍ରତିଷ୍ଠା ଦିବସରେ କହିଛନ୍ତି କଟକ ବିଜେପି ଲୋକସଭା ପାର୍ଥି ଭର୍ତ୍ତୃହରି ମହତାବ । କଟକ ଗୌରୀ ଶଙ୍କର ପାର୍କ ନିକଟରେ ବିଜେପି ର ବହୁ ନେତା ଓ କର୍ମୀ ଙ୍କ ସହ କଟକ ବିଜେପି ଲୋକସଭା ପାର୍ଥି ଭର୍ତ୍ତୃହରି ମହତାବ ଉପସ୍ଥିତ ରହି ପାର୍ଟି ପତାକା ଉତ୍ତୋଳନ କରିଥିଲେ । ଆସନ୍ତା ନିର୍ବାଚନ ରେ ଓଡ଼ିଶାର ଅସ୍ମିତା ର ଉଦ୍ଧାର ଓ ଏହାର ପୁନଃ ପ୍ରତିଷ୍ଠାକୁ ନେଇ ବିଜେପି ଓଡିଶା ବାସୀ ଙ୍କ ପାଖକୁ ଯିବ ଓ ରୋମାନ ଲିପି ରେ ଲିଖିତ ଓଡ଼ିଆ ଭାଷା କୁ ପଢିଲେ ଓଡ଼ିଆ ଅସ୍ମିତା ପ୍ରତିଷ୍ଠା ହୁଏ ନାହିଁ ବୋଲି ଭର୍ତ୍ତୃହରି କହିଥିଲେ ।