ସୁବର୍ଣ୍ଣପୁରରେ ୟୁଟୁବର୍ ସେଲିବ୍ରିଟି ମେନ୍ସ ଡବଲ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ

ସୁବର୍ଣ୍ଣପୁର : ସୁବର୍ଣ୍ଣପୁର ରାମେଶ୍ବର ଷ୍ଟାଡିୟମ ଠାରେ ୟୁଟୁବର୍ ସେଲିବ୍ରିଟି ମେନ୍ସ ଡବଲ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ପଶ୍ଚିମ ଓଡ଼ିଶା ୟୁଟୁବର ସଂଘ ପକ୍ଷରୁ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଜିଲ୍ଲା ତଥା ପଶ୍ଚିମ ଓଡ଼ିଶାର ମୋଟ ୩୦ ଟି ଦଳ ଭାଗ ନେଇଥିଲେ । ଏହି ଟୁର୍ଣ୍ଣାମେଣ୍ଟରେ ପ୍ରସିଦ୍ଧ କଣ୍ଠଶିଳ୍ପୀ ରକଷ୍ଠାର ରୁକୁ ସୁନା, ଅଭିନେତା ଭାରତ ଗୌରବ, ଅଭିନେତା ପ୍ରମୋଦ ମହାପାତ୍ର, ଅଭିନେତା ମହେଶ, ଗୋପାଳ ପ୍ରଧାନ ଙ୍କ ଭଳି ନାମୀ ଅଭିନେତା ଯୋଗଦେଇ ନିଜର ଖେଳ ପ୍ରଦର୍ଶନ କରିଛନ୍ତି । ୧୫ ପଏଣ୍ଟ ବିଶିଷ୍ଟ ଏହି ମ୍ୟାଚ ଗୁଡ଼ିକ ୩ ଟି ସେଟ୍ ଖେଳା ଯାଇଥିଲା। ମ୍ୟାଚ୍ ଗୁଡ଼ିକ ବରିଷ୍ଠ କ୍ରୀଡା ଶିକ୍ଷକ ରଘୁନାଥ ଥନାପତି ଓ ବନମାଳୀ ପଣ୍ଡା ପରିଚାଳନା କରିଥିବାବେଳେ ଦେବାଶିଷ ପଟ୍ଟନାୟକ ଓ ନାରାୟଣ ରଥ ସହଯୋଗ କରିଥିଲେ । ପ୍ରଥମ ମ୍ୟାଚ ଋକୁ ସୁନା ଓ ସାଥୀ ବନାମ ପ୍ରାଣବନ୍ଧୁ ଓ ମନୋଜ ଦଳ ମଧ୍ୟରେ ହୋଇଥିବାବେଳେ ପ୍ରାଣବନ୍ଧୁ ଓ ମନୋଜ ବିଜୟୀ ହୋଇଥିଲେ । ସେହିପରି ପ୍ରଥମ ସେମିଫାଇନାଲ ରେ ସୋନପୁରିଆ ମନୋଜ ଦଳକୁ ହରାଇ ପି ପି ପ୍ରଡକ୍ସନ ପ୍ରଥମେ ଫାଇନାଲରେ ପହଞ୍ଚିଥିଲା । ଦ୍ବିତୀୟ ସେମିଫାଇନାଲରେ ହେଶଟେକ୍ ଭାଇୟା ଦଳକୁ ହରାଇ ଆର୍ କେ ମିଡ଼ିଆ ଦଳ ଫାଇନାଲ ରେ ସ୍ଥାନ ପାଇଥିଲା । ଫାଇନାଲ ମ୍ୟାଚ ପି ପ୍ରଡକ୍ସନ ର ଭାରତ ଗୌରବ ଓ ପ୍ରମୋଦ ମହାପାତ୍ର ବନାମ ଆର୍ କେ ମିଡ଼ିଆର ରମାକାନ୍ତ ଓ ଥବିର ମଧ୍ୟରେ ଅନୁଷ୍ଠିତ ହୋଇଥିବାବେଳେ ବେଶ ଚିତ୍ତାକର୍ଷକ ହୋଇଥିଲା । ୨୧ ପଏଣ୍ଟ ବିଶିଷ୍ଟ ଏହି ମ୍ୟାଚର ପ୍ରଥମ ସେଟରେ ୨୧-୧୮ ପଏଣ୍ଟ ରେ ଆର୍ କେ ମିଡ଼ିଆ ବିଜୟୀ ହୋଇଥିଲା । ସେହିପରି ଦ୍ବିତୀୟ ସେଟରେ ମଧ୍ୟ ୨୧-୧୮ ରେ ଆର୍ କେ ମିଡ଼ିଆ ବିଜୟୀ ହୋଇ ଚମ୍ପିୟାନ ହୋଇଥିଲା ।