କଟକ ଚାଉଳିଆଗଞ୍ଜ ଥାନା କାଳିଆବୋଦା ଅଞ୍ଚଳରୁ ୨ ଜଣ ଅଭିଯୁକ୍ତଙ୍କ ନିକଟରୁ ୨୫୭ ଗ୍ରାମ ବ୍ରାଉନସୁଗାର ଜବତ କରିଛି ପୋଲିସ୍। ଏହି ମାମଲାରେ ୨ ଜଣ ଅଭିଯୁକ୍ତଙ୍କୁ ପୋଲିସ୍ ଗିରଫ କରିଛି। ଗତକାଲି କାଳିଆବୋଦା ଅଞ୍ଚଳରେ ପୋଲିସ୍ ବ୍ଲକିଂ ଏବଂ ଚେକିଂ କରୁଥିବା ବେଳେ ଏକ ଧଳା ସ୍କର୍ପିଂଓ ଗାଡିରେ ୨ ଜଣ ସନ୍ଦିଗ୍ଧ ବ୍ରାଉନସୁଗାର ନେଇ ଯାଉଥିବା ପୋଲିସ୍ ଖବର ପାଇଥିଲା । ତେବେ ପୋଲିସ୍ ଗାଡି ଚେକିଂ କରିବା ପରେ ଗାଡିରୁ ୨୫୭ ଗ୍ରାମର ବ୍ରାଉନସୁଗାର ସହ ୨ ଲକ୍ଷ ଟଙ୍କା ଜବକ କରିଥିଲା। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୨୫ ଲକ୍ଷରୁ ଅଧିକ ଟଙ୍କା ହେବ ବୋଲି ପୋଲିସ୍ କହିଛି। ଅଧିକ ଟଙ୍କା ଲାଭ କରିବା ପାଇଁ ପଶ୍ଚିମବଙ୍ଗରୁ ବ୍ରାଉନସୁଗାର ଆଣି ଓଡିଶାର ଭଦ୍ରକ ସହ ବିଭିନ୍ନ ସ୍ଥାନରେ ଗ୍ରାହକମାନଙ୍କୁ ବିକ୍ରୀ କରୁଥିଲେ। ଗିରଫ ଦୁଇ ଅଭିଯୁକ୍ତଙ୍କ ଘର ପଶ୍ଚିମବଙ୍ଗର ମୁର୍ଶିଦାବାଦ ଜିଲ୍ଲାରେ ବୋଲି କଟକ ଅତିରିକ୍ତ ଡିସିପି କହିଛନ୍ତି।
Plugin Install : Subscribe Push Notification need OneSignal plugin to be installed.
