ସଡ଼କ ଦୁର୍ଘଟଣା ରାୟଗଡା ଜିଲ୍ଲାରେ ବର୍ତ୍ତମାନ ଏକ ନିତିଦିନିଆ ଘଟଣା ହୋଇଯାଇଥିବା ବେଳେ ଆଜି ୩୨୬ ନମ୍ବର ରାଜପଥ କୋଲନରା ଅଗ୍ନିଶମ ବିଭାଗ ଅଫିସ ନିକଟରେ ଏକ ମଦ ବୋଝେଇ ଟ୍ରକ ଓଲଟି ପଡିଛି ଫଳରେ ଟ୍ରକ ଡ୍ରାଇଭର ଗୁରୁତର ହୋଇଥିବା ଜଣାପଡିଛି ।
ଖବର ଅନୁଯାୟୀ ଯାଜପୁର ଜିଲ୍ଲା ଚଣ୍ଡିଖୋଲରୁ ମଦ ବୋଝେଇ ଏକ ଟ୍ରକ୍ ରାୟଗଡ଼ା ଜିଲ୍ଲା ଦେବଦଳାର ମଦ ନିଗମକୁ ଆସୁଥିବା ବେଳେ ଟ୍ରକଟି ଦୁର୍ଘଟଣାଗ୍ରସ୍ତ ହୋଇଛି । ସୂଚନା ମୁତାବକ ଏକ ବାଇକ୍ ଏବଂ ଟ୍ରକ ମୁହାଁ ମୁହିଁ ଧକ୍କା ହେବା ଫଳରେ ଟ୍ରକ ଭାରସାମ୍ୟ ହରାଇ ଓଲଟିପଡିଥିଲା ଘଟଣା ସ୍ଥଳରେ ଚାନ୍ଦିଲି ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ବର୍ତ୍ତମାନ ଉକ୍ତ ୨ଜଣଙ୍କର ଚିକିତ୍ସା ଚାଲିଥିବା ବେଳେ ଡ୍ରାଇଭରର ଅବସ୍ଥା ଗୁରୁତର ଥିବା ସୂଚନା ମିଳିଛି।
