ବଲାଙ୍ଗିର ସାତମାଇଲ ଛକ ନିକଟରେ ମହିଳାଙ୍କୁ ଜଘନ୍ୟ ଭାବେ ହତ୍ୟା କରାଯାଇଥିଲା । ହତ୍ୟାକାଣ୍ଡର ଶିକାର ହୋଇଥିବା ମହିଳା ଜଣକ ବୌଦ୍ଧ ଜିଲ୍ଲା କଂଟାମାଲ ଥାନା, ବରିଗୁଭା ଗାଁର ଚକା ମହାନନ୍ଦଙ୍କ ସ୍ତ୍ରୀ ସଂଯୁକ୍ତା ହରପାଳ । ସଂଯୁକ୍ତା ବରଗାଁ ପଂଚାୟତରେ ମିଶନ ଶକ୍ତି ସି.ଆର.ପି ଭାବରେ କାମ କରନ୍ତି । ୨୧ ତାରିଖ ସକାଳୁ ଅଫିସ କାମରେ ଘରୁ ବାହାରି ଆଉ ଘରକୁ ଫେରି ନାହାଁନ୍ତି ସଂଯୁକ୍ତା । ଏହାପରେ ଗତକାଲି ସକାଳୁ ବଲାଙ୍ଗିର ଜିଲ୍ଲାରୁ ମଳିଥିଲା ସଂଯୁକ୍ତାଙ୍କ ଶବ । ପରିବାର ଲୋକେ ବଲାଙ୍ଗିର ଆସିବା ପରେ ଶବକୁ ଚିହ୍ନଟ କରିଛନ୍ତି । ଏହି କାଣ୍ଡ କରିଥିବା ହତ୍ୟାକାରୀକୁ କଠୋର ଦଣ୍ଡ ଦେବା ପାଇଁ ଦାବୀ କରିଛନ୍ତି ମୃତକଙ୍କ ପରିବାର । ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସଂଯୁକ୍ତା କଂଟାମାଳରୁ ବଲାଙ୍ଗିର କେମିତି ଆସିଲେ ଓ ଏଠାରେ ତାଙ୍କୁ କିଏ ହତ୍ୟା କଲା ତାହା ଏପର୍ଯ୍ୟନ୍ତ ଜଣା ପଡି ନାହିଁ । ତେବେ ଏବେ ଏହି ଘଟଣାର ତଦନ୍ତ କରି ପର୍ଦ୍ଦାଫାଶ କରିବ ବଲାଙ୍ଗିର ପୋଲିସ ।
Plugin Install : Subscribe Push Notification need OneSignal plugin to be installed.
