ଗଞ୍ଜାମ: ଆସିକା ଥାନା ଖଡଭାଗ ନିକଟରେ ମର୍ମନ୍ତୁତ ସଡ଼କ ଦୁର୍ଘଟଣା l ମା ଟ୍ରାଭେଲର୍ସ ନାମକ ଯାତ୍ରୀ ବାହି ବସ ସହ ଟାଟା ଏସି ମୁହାଁମୁହିଁ ଧକ୍କା ହୋଇଛି l ଫଳରେ ଟାଟା ଏସି ରେ ବସିଥିବା ତିନିଜଣ ଙ୍କ ମୃତ୍ୟୁ ହୋଇଥିବା ବେଳେ ସେମାନ ମଧ୍ୟରୁ ଦୁଇଜଣ ହଳଦିଆପଦର ଅଞ୍ଚଳର ରାଜେନ୍ଦ୍ର ବୁଡୁ, ବାବୁ ବେହେରା ହୋଇଥିବା ଜଣାପଡିଛି l ସୂଚନା ମୁତାବକ ଗୋଟିଏ ଅନୁଷ୍ଠାନ ର ପିକନିକ ପାର୍ଟି ପାଇଁ ଜିନିଷ ନେଇ ବୁଦ୍ଧଖୋଲ ଅଭିମୁଖେ ଯାଉଥିବା ଟାଟା ଏସି ଟି ଖଡଭାଗ ନିକଟରେ ବିପରୀତ ଦିଗରୁ ଆସୁଥିବା ଯାତ୍ରୀବାହି ବସ ସହ ମୁହାଁମୁହିଁ ଧକ୍କା ହୋଇଥିଲା l
ଘଟଣା ସ୍ଥଳରେ ହିଁ ଟାଟା ଏସି ରେ ବସିଥିବା ସମସ୍ତ ଯାତ୍ରୀ ଙ୍କ ମୃତ୍ୟୁ ହୋଇଥିବା ବେଳେ ବସ ରେ ରହିଥିବା ଯାତ୍ରୀ ଙ୍କ ମଧ୍ୟରୁ ଦୁଇ ରୁ ଉର୍ଦ୍ଧ ଯାତ୍ରୀ ସାମାନ୍ୟ ଆହାତ ହୋଇଥିବା ଜଣାପଡିଛି l ତେବେ ଦୁର୍ଘଟଣା ର ପ୍ରକୃତ କାରଣ ଅସ୍ପଷ୍ଟ ରହିଥିବା ବେଳେ ଦୃତ ଗତି ଯୋଗୁଁ ଦୁର୍ଘଟଣା ହୋଇଥିବା ଅନୁମାନ କରାଯାଉଛି l ଖବର ପାଇ ଆସିକା ପୋଲିସ ଓ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାରକରିବା ସହିତ ପୋଲିସ ତଦନ୍ତ ଚଳାଇଛି l
